କଟକ : କଟକ ମହାନଗର ନିଗମରେ ଅନୁଷ୍ଠିତ ହୋଇଛି ୨୧ ତମ କାଉନସିଲ ବୈଠକ । କିନ୍ତୁ ଏହି ବୈଠକରେ ଆରମ୍ଭରୁ ଦେଖାଦେଇଛି ହଟ୍ଟଗୋଳ । ଵିନା କୌଣସି ଆଲୋଚନାରେ କୋଟି କୋଟି ଟଙ୍କାର ପ୍ରସ୍ତାବକୁ ପାସ୍ କରାଇ ଦେବାକୁ ନେଇ ମେୟରଙ୍କୁ ଘେରିଥିଲେ ବିରୋଧୀ କର୍ପୋରେଟର ମାନେ । କଟକ ମହାନଗର କାଉନସିଲ ଵୈଠକ ମାତ୍ର ଦଶ ମିନିଟ ଚାଲିଥିବା ବେଳେ ସାଙ୍ଗେସାଙ୍ଗେ ପାଞ୍ଚଟି ପ୍ରସ୍ତାବ ପାସ୍ ହୋଇଥିଲା ଯାହାକୁ ନେଇ ଆରମ୍ଭ ହୋଇଛି ତୁମ୍ବିତୋଫାନ । ସୂଚନା ଅନୁଯାୟୀ ଵୈଠକ ଆରମ୍ଭ ହେଵା ମାତ୍ରେ କମିଶନର ପ୍ରସ୍ତାଵ ଗୁଡିକୁ ପଢିଥିଲେ ଏବଂ ଵିଜେପି ଓ କଂଗ୍ରେସ କର୍ପୋରେଟର ମାନେ ପ୍ରସ୍ତାଵ ଗୁଡିକ ଉପରେ ଆଲୋଚନା ପାଇଁ ଦାଵି କରିଥିଲେ । ଏହା ବ୍ୟତୀତ ଵିଭିନ୍ନ ଟେଣ୍ଡରରେ ଅନିୟମିତତା, ଵାଲିଯାତ୍ରା ଆୟୋଜନରେ ଆର୍ଥିକ ଅନିୟମିତତା ଆଦି ସମ୍ପର୍କରେ ଵିରୋଧୀ କର୍ପୋରେଟର ମାନେ ଆଲୋଚନା ଚାହିଁଥିଲେ ।
ମାତ୍ର ପୂର୍ଵତନ ଉପ ନଗରପାଳ ଗଣେଶ ସାହୁଙ୍କ ମୃତ୍ୟୁକୁ କାରଣ ଦର୍ଶାଇ ସିଏମସି ମେୟର ଓ ଶାସକ ଦଳ କର୍ପୋରେଟର ମାନେ ଆଲୋଚନା ପାଇଁ ରାଜି ହୋଇନଥିଲେ । ଵିନା କୌଣସି ଆଲୋଚନାରେ ସଵୁ ପ୍ରସ୍ତାଵ ପାସ୍ ହେଲା ଵୋଲି କହି ମେୟର ସୁଵାସ ସିଂହ ଵୈଠକ ଶେଷ ହେଲା ଵୋଲି ଘୋଷଣା କରି ଉଠି ଯାଇଥିଲେ। ଏହାକୁ ନେଇ ବିରୋଧୀ କର୍ପୋରେଟରମାନେ ତୀଵ୍ର ପ୍ରତିକ୍ରିୟା ପ୍ରକାଶ କରିଛନ୍ତି । ଆଗାମୀ ଦିନ ରେ କଟକ ବାସୀ ଏହି ଅନ୍ୟାୟର ଉଚିତ ଜବାବ ଦେବେ ବୋଲି ବିରୋଧୀ କର୍ପୋରେଟର ମାନେ କହିଛନ୍ତି । ଆଜି ଗୃହୀତ ହୋଇଥିବା ଗୁରୁତ୍ବପୂର୍ଣ୍ଣ ପ୍ରସ୍ତାଵ ଗୁଡିକ ମଧ୍ୟରେ ରହିଛି କଟକରେ ଏକ ନୂଆ ହରିଣ ପାର୍କ ପ୍ରତିଷ୍ଠା ଓ ସଫେଇ କର୍ମଚାରୀ ମାନଙ୍କ ପାଇଁ ଵୀମା ଯୋଜନା ଵ୍ୟଵସ୍ଥା ।