ଭୁବନେଶ୍ବର:ହରଡ଼ଘଣାରେ ରାଜ୍ୟ କଂଗ୍ରେସ । କଂଗ୍ରେସର 3 ନେତାଙ୍କ ନାଁରେ ଥାନାରେ ଏତଲା । ପ୍ରଭାରୀ ଅଜୟ କୁମାର, ପୂର୍ବତନ ପିସିସି ସଭାପତି ଶରତ ପଟ୍ଟନାୟକ ଏବଂ ମିଡିଆ ସେଲର ପୂର୍ବତନ ଅଧ୍ୟକ୍ଷ ବିଶ୍ୱରଞ୍ଜନ ମହାନ୍ତିଙ୍କ ନାଁରେ ଭରତପୁର ଥାନାରେ ଏତଲା ଦାୟର । ଆଶୁତୋଷ ମହାପାତ୍ର ନାମକ ବ୍ୟକ୍ତିଙ୍କ ଅଭିଯୋଗ ଆଧାରରେ ଏତଲା । IPC 120 b ,420 ,506,34 ଦଫାରେ ମାମଲା ରୁଜୁ କରିଛି ପୋଲିସ । କୋର୍ଟ ଆଦେଶ ଅନୁସାରେ ଏତଲା ଦେଇଛନ୍ତି ଆଶୁତୋଷ ମହାପାତ୍ର । ଏଫଟେ ଏନେଇ ସଂପୃକ୍ତ କଂଗ୍ରେସ ନେତାଙ୍କ ପ୍ରତିକ୍ରିୟା ମିଳିନି ।
କାହିଁକି ଦେଲେ ଏତଲା ?:-
ସୂଚନା ଥାଉ କି 2024 ସାଧାରଣ ନିର୍ବାଚନରେ କଂଗ୍ରେସ ପ୍ରଚାର ପାଇଁ ଏହି ବ୍ୟକ୍ତିଙ୍କ ଠାରୁ LED ଭଡା ସୂତ୍ରରେ ନେଇଥିଲେ । ଏକ କୋଟି 42 ଲକ୍ଷ ଟଙ୍କା ନଦେବା ଅଭିଯୋଗ ନେଇ ଥାନାରେ ଏତଲା ଦେଇଛନ୍ତି ଆଶୁତୋଷ । ତେବେ ନିର୍ବାଚନ ପରେ ଟଙ୍କା ନଦେବାରୁ ଆଶୁତୋଷ ଆଇନର ଆଶ୍ରୟ ନେଇଛନ୍ତି । ଆଜି ଭରତପୁର ଥାନାରେ ଏତଲା ଦେଇଛନ୍ତି ଆଶୁତୋଷ । ତେବେ ଏନେଇ ସମ୍ପୃକ୍ତ ନେତାଙ୍କ ପ୍ରତିକ୍ରିୟା ମିଳିପାରି ନାହିଁ ।
ରାଜ୍ୟ କଂଗ୍ରେସର ୩ ବରିଷ୍ଠ ନେତାଙ୍କ ନାଁରେ ମାମଲା
- ଅଜୟ କୁମାର, ଶରତ ପଟ୍ଟନାୟକ, ବିଶ୍ବରଂଜନ ମହାନ୍ତିଙ୍କ ନାଁରେ ମାମଲା
- ଭରତପୁର ଥାନାରେ ମାମଲା ରୁଜୁ
- IPC 120 b ,420 ,506,34 ଦଫାରେ ମାମଲା ରୁଜୁ
- ଆଶୁତୋଷ ମହାପାତ୍ର ନାମକ ବ୍ୟକ୍ତିଙ୍କ ଅଭିଯୋଗ ଆଧାରରେ ମାମଲା
- ବକେୟା ୧ କୋଟି ୪୨ ଲକ୍ଷ ଟଙ୍କା ନଦେବା ନେଇ ଅଭିଯୋଗ
ଷ୍ଟିୟରିଂ କମିଟି ହାତରେ ରାଜ୍ୟ କଂଗ୍ରେସର ଭାଗ୍ୟ:-
ସେପଟେ ଦୀର୍ଘ ଦିନ ହେବ ଓଡିଶା କଂଗ୍ରେସ ମୁରବିହୀନ ହୋଇପଡ଼ିଛି । ପିସିସି ସଭାପତି ଓ ଅନ୍ୟ ପ୍ରାଦେଶିକ ସାଙ୍ଗଠନିକ ପଦବୀ ନେଇ ଆସିପାରୁନି ଚୂଡାନ୍ତ ନିଷ୍ପତ୍ତି । ଦିଲ୍ଲୀରୁ ଓଡିଶା ‘ପିସିସି’ ନେଇ କୌଣସି ଗ୍ରୀନ ସିଗ୍ନାଲ ମିଳି ପାରୁନି । ଏବେ ଷ୍ଟିୟରିଂ କମିଟି ହାତରେ ରାଜ୍ୟ କଂଗ୍ରେସର ଭାଗ୍ୟ ।ରାଜ୍ୟରେ ନେତୃତ୍ବ ଅଭାବରୁ ଦିଶାହୀନ କଂଗ୍ରେସ ଦିନକୁ ଦିନ ଦୁର୍ବଳ ହେଉଛି । ଓଡିଶା ପ୍ରଦେଶ କଂଗ୍ରେସରେ କେହି ମୁଖିଆ ନଥିବାରୁ ରାଜନୈତିକ କାର୍ଯ୍ୟକ୍ରମ ମଧ୍ୟ ଏବେ ଶିଥିଳ ହୋଇପଡିଛି । ନା ବସୁଛି ବୈଠକ, ନା ପ୍ରସ୍ତୁତ ହେଉଛି କୌଣସି ଆକ୍ସନ ପ୍ଲାନ ।