ହାଇଦ୍ରାବାଦ:ଗ୍ଲୋବାଲ ଷ୍ଟାର ପ୍ରିୟଙ୍କା ଚୋପ୍ରା ଜଣେ ଅଭିନେତ୍ରୀ ବ୍ୟତୀତ ନିର୍ମାତା ମଧ୍ୟ ଅଟନ୍ତି । ସେ ବଲିଉଡ ସମେତ ହଲିଉଡରେ କାମ କରିଥିବା ବେଳେ ମରାଠୀ ଫିଲ୍ମ ନିର୍ମାଣ କରିସାରିଛନ୍ତି। ବର୍ତ୍ତମାନ ତାଙ୍କ ଆଗାମୀ ମରାଠୀ ଫିଲ୍ମ 'ପାନି' ରିଲିଜ ହେବାକୁ ଯାଉଛି । ନିକଟରେ ଅଭିନେତ୍ରୀ ଏହାର ଟିଜର ସେୟାର କରି ରିଲିଜ ତାରିଖ ଘୋଷଣା କରିଥିଲେ । ଏବେ ଏହାର ଟ୍ରେଲର ରିଲିଜ ପାଇଁ ଭାରତ ଆସିଛନ୍ତି ଦେଶୀ ଗାର୍ଲ । ମୁମ୍ୱାଇ ବିମାନବନ୍ଦରରେ ଷ୍ଟାଇଲିସ ଲୁକରେ ସେ ନଜର ଆସିଛନ୍ତି। ଯାହାର ଭିଡିଓ ଏବେ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି ।
ମୁମ୍ୱାଇରେ ପ୍ରିୟଙ୍କା ଚୋପ୍ରା
ମୁମ୍ବାଇରେ ପହଞ୍ଚିବା ପୂର୍ବରୁ ଅଭିନେତ୍ରୀ ବିମାନରୁ ଏକ ଫଟୋ ସେୟାର କରିଥିଲେ। ଏହି ଫଟୋ ସହ ସେ ଲେଖିଥିଲେ,'ମୁମ୍ବାଇ ମେରି ଜାନ।' ପରେ ବିମାନବନ୍ଦରରେ ପହଞ୍ଚିବା ପରେ ସେ ପାପାରାଜିଙ୍କୁ ଅଭିବାଦନ ଜଣାଇଲେ ଏବଂ ଫଟୋ ପାଇଁ ପୋଜ ମଧ୍ୟ ଦେଇଥିଲେ। ଆଗାମୀ ମରାଠୀ ଫିଲ୍ମ 'ପାନି' ଟ୍ରେଲର ରିଲିଜ ପାଇଁ ଭାରତ ଆସିଥିବା ଜଣାପଡିଛି। ଖୁବଶୀଘ୍ର ରିଲିଜ ହେବ ପାନିର ଟ୍ରେଲର।
'ପାନି' ଫିଲ୍ମ ବିଷୟେର କହିବାକୁ ଗଲେ, ପାନି ଚଳଚ୍ଚିତ୍ରର କାହାଣୀ ଅତ୍ୟନ୍ତ ପ୍ରେରଣାଦାୟକ ଏବଂ ଆକର୍ଷଣୀୟ ଅଟେ । ଏହି ଚଳଚ୍ଚିତ୍ରଟି ହନୁମନ୍ଥ କେନ୍ଦ୍ରର ଜୀବନ ଉପରେ ଆଧାରିତ। ଏହି ଚଳଚ୍ଚିତ୍ରରେ ହନୁମନ୍ଥ କେନ୍ଦ୍ର ତାଙ୍କ ଗାଁର ଜଳ ସମସ୍ୟାକୁ କିପରି ସମାଧାନ କରିଥିଲେ ଏବଂ ଏହାର ସମାଧାନ କରିବେ ତାହା ଦର୍ଶାଇବ । ପ୍ରିୟଙ୍କା ଚୋପ୍ରା ଆଗାମୀ ମରାଠୀ ଚଳଚ୍ଚିତ୍ର 'ପାନି' ପାଇଁ ଅଦିନାଥ କୋଥାରେଙ୍କ ସହ ହାତ ମିଳାଇଛନ୍ତି। ପ୍ରିୟଙ୍କା ଚୋପ୍ରାଙ୍କ ପର୍ପଲ ପେବଲ୍ ପିକ୍ଚର୍ସ ସହିତ ରାଜଶ୍ରୀ ମରାଠୀ ପ୍ରଡକ୍ସନ୍ସ ମଧ୍ୟ ଏହି ଚଳଚ୍ଚିତ୍ର ନିର୍ମାଣ ପାଇଁ ସହଭାଗୀ ହୋଇଛନ୍ତି ।