ମୁମ୍ବାଇ:ବହୁ ପ୍ରତିକ୍ଷିତ ଚଳଚ୍ଚିତ୍ର 'ଅପରେସନ୍ ଭାଲେଣ୍ଟାଇନ' ପାଇଁ ପ୍ରଶଂସକମାନେ ଉତ୍ସାହର ସହ ଅପେକ୍ଷା କରିଛନ୍ତି । ଏହି ଫିଲ୍ମରେ ସାଉଥ୍ ସୁପରଷ୍ଟାର ବରୁଣ ତେଜ ଓ ବଲିଉଡ୍ ସୁନ୍ଦରୀ ମାନୁଷୀ ଚିଲ୍ଲାରଙ୍କୁ ଦେଖିବାକୁ ମିଳିବ । ପୂର୍ବରୁ ଫିଲ୍ମଟି ୨୦୨୩ ମସିହା ଡିସେମ୍ବରରେ ରିଲିଜ ହେବାକୁ ଘୋଷଣା କରାଯାଇଥିଲା । ହେଲେ କୌଣସି କାରଣରୁ ଏହାର ରିଲିଜ ତାରିଖ ଫେବୃଆରୀ ୧୬କୁ ଘୁଞ୍ଚାଇ ଦିଆଯାଇଥିଲା । ବର୍ତ୍ତମାନ ପୁଣିଥରେ ଫିଲ୍ମର ରିଲିଜ୍ ତାରିଖ ଘୁଞ୍ଚାଇଛନ୍ତି ନିର୍ମାତା । ତେବେ ଫିଲ୍ମଟି ଫେବୃଆରୀ ପରିବର୍ତ୍ତେ ଆସନ୍ତା ମାର୍ଚ୍ଚ ପହିଲାରେ ରିଲିଜ ହେବ ।
ଅଭିନେତା ବରୁଣ ତେଜା ତାଙ୍କ ଇନଷ୍ଟାଗ୍ରାମରେ ଫିଲ୍ମର ନୂଆ ପୋଷ୍ଟର ସହିତ ରିଲିଜ ତାରିଖ ଘୋଷଣା କରିଛନ୍ତି । ପୋଷ୍ଟର ଓ ରିଲିଜ ତାରିଖ ସେୟାର କରି ଅଭିନେତା ଲେଖଛନ୍ତି ଯେ, ମାର୍ଚ୍ଚ ୧ ୨୦୨୪ରେ ଟାର୍ଗେଟ ସେଟ! ପ୍ରେକ୍ଷାଳୟରେ ଦେଖା ହେବ । ଦେଶଭକ୍ତି ପରିପୂର୍ଣ୍ଣ ଏହି ଚଳଚ୍ଚିତ୍ରର କାହାଣୀ ବାୟୁସେନା ହିରୋଜଙ୍କ ଅଦମ୍ୟ ସାହସ ଏବଂ ଦେଶପ୍ରେମକୁ ଏହି ଫିଲ୍ମରେ ପ୍ରକାଶ କରାଯାଇଛି । ଦେଶଭକ୍ତି ପାଇଁ ସେନାମାନଙ୍କୁ ଯେଉଁସବୁ ଅସୁବିଧାର ସମ୍ମୁଖୀନ ହେବାକୁ ପଡ଼ିଥାଏ ତାହା ଏହି ଚଳଚ୍ଚିତ୍ରରେ ଚମତ୍କାର ଭାବରେ ବର୍ଣ୍ଣନା କରାଯାଇଛି । ଚଳଚ୍ଚିତ୍ରର କାହାଣୀ ପ୍ରକୃତ ଘଟଣା ଉପରେ ଆଧାରିତ । ଏହି ଚଳଚ୍ଚିତ୍ରରେ ବରୁଣ ତେଜଙ୍କ ଭୂମିକାର ନାମ ଅର୍ଜୁନ ଦେବ ଯିଏ ଜଣେ ପାଇଲଟ ଏବଂ ମାନୁଷୀ ଚିଲ୍ଲାର ରାଡାର ଅଧିକାରୀ ଭୂମିକାରେ ନଜର ଆସିବେ।