ହାଇଦ୍ରାବାଦ:ଛୋଟ ପରଦା (ଟିଭି ଇଣ୍ଡଷ୍ଟ୍ରିରୁ)ଆସିଲା ଦୁଃଖଦ ଖବର । ଲୋକପ୍ରିୟ ଟିଭି ଅଭିନେତା ନିତିନ ଚୌହାନଙ୍କ 35 ବର୍ଷ ବୟସରେ ଦେହାନ୍ତ ହୋଇଛି । ଏହି ଅଭିନେତା ମୁମ୍ବାଇରେ ଶେଷ ନିଶ୍ୱାସ ତ୍ୟାଗ କରିଛନ୍ତି । ସ୍ପ୍ଲିଟ୍ସଭିଲ୍ଲା ବଂ କ୍ରାଇମ ପାଟ୍ରୋଲ ଭଳି ଶୋ’ରେ ନିତିନ ଚୌହାନଙ୍କୁ ଦେଖିବାକୁ ମିଳିଥିଲା । ପ୍ରାରମ୍ଭିକ ରିପୋର୍ଟରେ ଅଭିନେତାଙ୍କ ଆତ୍ମହତ୍ୟା ଜନିତ ମୃତ୍ୟୁ ଘଟିଥିବା କୁହାଯାଉଛି । ଅଭିନେତାଙ୍କ ଦେହାନ୍ତରେ ନିତିନଙ୍କ ସହ-ତାରକା ବିଭୁତି ଠାକୁର ସୂଚନା ଦେଇଛନ୍ତି । ତେବେ ଏତେ କମ ବୟସରେ ନିତିନଙ୍କ ଦେହାନ୍ତ ଖବର ଶୁଣି ଟିଭି ଇଣ୍ଡଷ୍ଟ୍ରିରେ ଶୋକର ଲହରୀ ଖେଳିଯାଇଛି ।
TV actor nitin chauhaan (instagram) ଆରପାରିରେ ନିତିନ ଚୌହାନ
ବିଭୂତି ଠାକୁର ନିଜ ଇନଷ୍ଟାଗ୍ରାମରେ ଏକ ପୋଷ୍ଟ ମାଧ୍ୟମରେ ନିତିନ ଚୌହାନଙ୍କ ଦେହାନ୍ତ ବିଷୟରେ ସୂଚନା ଦେଇଛନ୍ତି । ବିଭୂତି ଠାକୁର ନିଜ ଇନଷ୍ଟାଗ୍ରାମ ଷ୍ଟୋରୀରେ ଏକ ପୋଷ୍ଟ ସେୟାର କରିଛନ୍ତି। ଏହି ପୋଷ୍ଟରେ ଅଭିନେତ୍ରୀ ନିତିନଙ୍କ ସହ ନିଜର ଏକ ଫଟୋ ସେୟାର କରିଛନ୍ତି । ଏହି ପୋଷ୍ଟ ସେୟାର କରି ସେ ଏହାର କ୍ୟାପସନରେ ଲେଖିଛନ୍ତି, ''ଭଗବାନ ଆପଣଙ୍କ ଆତ୍ମାକୁ ଶାନ୍ତି ଦିଅନ୍ତୁ । ଆପଣ ସମସ୍ତ ଅସୁବିଧାର ସମ୍ମୁଖୀନ କରିପାରିଥାନ୍ତେ ଏବଂ ଆପଣ ଭିତରୁ ଶକ୍ତିଶାଳୀ ହୋଇପାରିଥାନ୍ତେ । ଏହା ଅତ୍ୟନ୍ତ ଦୁଃଖଦାୟକ ଏବଂ ଆଶ୍ଚର୍ଯ୍ୟକର ।''
TV actor nitin chauhaan (instagram) ମୁମ୍ବାଇରେ ପହଞ୍ଚିଲେ ନିତିନଙ୍କ ପିତାମାତା
ଖବର ଅନୁଯାୟୀ ଅଭିନେତା ନିତିନ ଚୌହାନଙ୍କ ପିତାମାତା ଅଭିନେତାଙ୍କ ମୃତ୍ୟୁ ଖବର ଶୁଣି ମୁମ୍ବାଇରେ ପହଞ୍ଚିଛନ୍ତି । ଅଭିନେତାଙ୍କ ପରିବାର ନିତିନଙ୍କ ମୃତ୍ୟୁ ସମ୍ପର୍କରେ କୌଣସି ବିବୃତ୍ତି ଦେଇନାହାଁନ୍ତି । ଏଥି ସହିତ ନିତିନ ଏବଂ ତାଙ୍କ ସହ ଟିଭି ଇଣ୍ଡଷ୍ଟ୍ରିରେ କାମ କରୁଥିବା କଳାକାରମାନେ ତାଙ୍କ ଦେହାନ୍ତରେ ଚକିତ ହୋଇଯାଇଛନ୍ତି । ସୋସିଆଲ ମିଡିଆରେ ପୋଷ୍ଟ କରି ଶୋକପ୍ରକାଶ କରିବା ସହ ଶ୍ରଦ୍ଧାଞ୍ଜଳୀ ଜଣାଇଛନ୍ତି ।
ଏହା ମଧ୍ୟ ପଢନ୍ତୁ:ଦୁନିଆକୁ ଅଲବିଦା କହିଲେ ପ୍ରଥମ ମିସୱାର୍ଲ୍ଡ କିକି ହାକନ୍ସନ
ନିିତିନ ଚୌହାନଙ୍କ କ୍ୟାରିଅର
କହିରଖୁଛୁ କି, ନିତିନ ଉତ୍ତରପ୍ରଦେଶର ଅଲିଗଡ ବାସିନ୍ଦା । ଶୋ' ଦାଦାଗିରି ୨ ଜିତିଥିଲେ । ଯାହା ପରେ ନିତିନ ଲୋକଙ୍କ ମନ ଜିତିଥିଲେ । ଏହା ପରେ ସେ MTV ର 'ସ୍ପ୍ଲିଟ୍ସଭିଲା ସିଜନ 5' ମଧ୍ୟ ଜିତିଥିଲେ । ଏହା ବ୍ୟତୀତ ନିତିନଙ୍କୁ କ୍ରାଇମ ପଟ୍ରୋଲ ଏବଂ ଫ୍ରେଣ୍ଡସ ଭଳି ସିରିଏଲରେ ମଧ୍ୟ ଦେଖିବାକୁ ମିଳିଥିଲା । Zindagi.com ରେ ନିତିନଙ୍କୁ ମଧ୍ୟ ଦେଖିବାକୁ ମିଳିଥିଲା । କ୍ରାଇମବ୍ରାଞ୍ଚରୁ ନିତିନ ଚୌହାନଙ୍କୁ ଏକ ସ୍ୱତନ୍ତ୍ର ପରିଚୟ ମିଳିଥିଲା । ନିତିନଙ୍କ ଶେଷ ଟିଭି ଶୋ' ବିଷୟରେ କହିବାକୁ ଗଲେ, ସେ 2022 ମସିହାରେ ଟିଭି ଶୋ' 'ତେରା ୟାର ହୁଁ ମେ'ରେ ନଜର ଆସିଥିଲେ।
ବ୍ୟୁରୋ ରିପୋର୍ଟ, ଇଟିଭି ଭାରତ
