ହାଇଦ୍ରାବାଦ:ବଲିଉଡ ବାଦଶାହା ଶାହାରୁଖ ଖାନ ଆଉ ଏକ ଉପଲବ୍ଧି ନିଜ ନାଁରେ କରିଛନ୍ତି । ଗତ ଶନିବାର, ଅଗଷ୍ଟ 10ରେ ସୁପରଷ୍ଟାର ଲୋକାର୍ନୋ ଫିଲ୍ମ ଫେଷ୍ଟିଭାଲରେ ଯୋଗ ଦେଇଥିଲେ । ଏଠାରେ କିଙ୍ଗ ଖାନଙ୍କୁ ଲାଇମଟାଇମ ଆଚିଭମେଣ୍ଟ ଆୱାର୍ଡ ତଥା 'ପାର୍ଡୋ ଅଲ୍ଲା କ୍ୟାରିଅର ଆୱାର୍ଡ' ପୁରସ୍କାରରେ ସମ୍ମାନିତ କରାଯାଇଛି । ଏଥିପାଇଁ ସେ ସମସ୍ତଙ୍କୁ ଧନ୍ୟବାଦ ଜଣାଇବା ସହ ଖୁସିବ୍ୟକ୍ତ କରିଛନ୍ତି । କେବଳ ଏତିକି ନୁହେଁ ଏହି ଚଳଚ୍ଚିତ୍ର ମହୋତ୍ସବରେ ୨୦୦୨ରେ ମୁକ୍ତିଲାଭ କରିଥିବା ତାଙ୍କର ଫିଲ୍ମ 'ଦେବଦାସ' ମଧ୍ୟ ପ୍ରଦର୍ଶିତ ହୋଇଥିଲା । ଏହି ସମାରୋହରୁ ଏବେ କିଙ୍ଗ ଖାନଙ୍କ ଅନେକ ଫଟୋ ଏବଂ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
କୃତଜ୍ଞତା ଜଣାଇଲେ କିଙ୍ଗ ଖାନ
ଶାହାରୁଖ ଖାନ ଏହି ଇଭେଣ୍ଟରେ ବ୍ଲାକ ରଙ୍ଗର ସୁଟରେ ନଜର ଆସିଥିଲେ । ପୁରସ୍କାର ପାଇବା ପରେ ଶାହାରୁଖ ଖାନ ଟ୍ରଫି ଦେଖାଇ କହିଥିଲେ- 'ଏହା ବହୁତ ଭାରୀ । ମୁଁ ସମସ୍ତଙ୍କୁ ଧନ୍ୟବାଦ ଦେବାକୁ ଚାହେଁ, ମୋତେ ଏହି ସୁନ୍ଦର, ଅତି ସାଂସ୍କୃତିକ, ଅତି ସୃଜନଶୀଳ ଏବଂ ଅତି ପ୍ରେମର ସହ ସ୍ୱାଗତ କରିଥିବାରୁ ଧନ୍ୟବାଦ । ମୁଁ ପରଦାରେ ଯାହା ଦେଖାଉଛି ତାହାଠାରୁ ମୋ ପାଇଁ ଏହା ବହୁତ ବଡ଼ । ଏହି ସହର ମୋତେ ଭାରତରେ ମୋ ଘର ପରି ଅନୁଭ କରାଇଛି । ତେଣୁ ମୋତେ ଏଠାରେ ନିମନ୍ତ୍ରଣ କରିଥିବାରୁ ଆପଣଙ୍କୁ ବହୁତ ଧନ୍ୟବାଦ ।
'ମୁଁ ପାସ୍ତା ଏବଂ ପିଜା ମଧ୍ୟ ତିଆରି କରିପାରିବି'