ହାଇଦ୍ରାବାଦ:ଡିସେମ୍ୱର 5ରେ ରିଲିଜ କରିଥିବା ଅଲ୍ଲୁ ଅର୍ଜୁନଙ୍କ ଫିଲ୍ମ 'ପୁଷ୍ପା: 2' ବର୍ଷର ଶେଷ ଫିଲ୍ମ ହୋଇଥିବା ବେଳେ ଏହି ଫିଲ୍ମ ବକ୍ସ ଅଫିସରେ ଧମାକା କରୁଛି । ଫିଲ୍ମ ରିଲିଜର 15 ଦିନରେ ପହଞ୍ଚିଥିବା ବେଳେ ତଥାପି ଫିଲ୍ମର କ୍ରେଜରେ ଲାଗୁନି ବ୍ରେକ । ଦିନକୁ ଦିନ ଫିଲ୍ମ ଦେଖିବାକୁ ପ୍ରେକ୍ଷାଳୟରେ ଜମୁଛି ଭିଡ଼ । ଏହି କ୍ରମରେ ଫିଲ୍ମ ଦମଦାର କଲେକ୍ସନ କରି ବକ୍ସ ଅଫିସର ଅନେକ ରେକର୍ଡ ଭାଙ୍ଗିବାରେ ସଫଳ ହୋଇଛି । ଫିଲ୍ମ ବିଶ୍ୱରେ 1500 କୋଟି ପାର୍ କରିଛି । ତେବେ ଫିଲ୍ମର ମୋଟ କଲେକ୍ସନ କେତେ ? ଜାଣନ୍ତୁ,
'ପୁଷ୍ପା 2' ଭାରତରେ କଲେକ୍ସନ
'ପୁଷ୍ପା 2' ଭାରତରେ ପ୍ରଥମ ସପ୍ତାହରେ 725.8 କୋଟି ଆୟ କରି ନୂଆ ରେକର୍ଡ କରିଥିଲା । ପୁଣି ଦ୍ୱିତୀୟ ସପ୍ତାହରେ 264.9 କୋଟି ଆୟ କରିଥିଲା । ତେବେ ଫିଲ୍ମ 15ତମ ଦିନରେ 17.75 କୋଟି ଟଙ୍କା ରୋଜଗାର କରିଛି । ଯାହା ପୂର୍ବ ଦିନର 20.55 କୋଟି ତୁଳନାରେ ଟିକେ କମ୍ ଅଟେ। ତଥାପି ଫିଲ୍ମର ମୋଟ କଲେକ୍ସନ 990.7 କୋଟି ହୋଇଛି । ଏହି ଫିଲ୍ମ ହିନ୍ଦୀ ସଂସ୍କରଣରେ ମୋଟ 621.6 କୋଟି ଟଙ୍କା ଆୟ କରିଥିବା ବେଳେ ତେଲୁଗୁରେ 295.6 କୋଟି ଟଙ୍କା ଆୟ କରିଛି । ଖୁବଶୀଘ୍ର ଫିଲ୍ମ ସମସ୍ତ ଭାଷାରେ 1000 କୋଟି ଆୟ କରିବ ବୋଲି ଆଶା କରାଯାଉଛି । ଏହାର ତୃତୀୟ ସପ୍ତାହରେ ପ୍ରବେଶ କରିବା ବେଳକୁ ଏହା ଭାରତୀୟ ଚଳଚ୍ଚିତ୍ର ପାଇଁ ଏକ ନୂତନ ରେକର୍ଡ କରି ଏହି ମାଇଲଖୁଣ୍ଟ ଅତିକ୍ରମ କରିବ ବୋଲି ଆଶା କରାଯାଉଛି ।
'ପୁଷ୍ପା ୨' କଲେକ୍ସନ:
- ପ୍ରିଭ୍ୟୁ ଶୋ'- 10.65 କୋଟି
- ପ୍ରଥମ ଦିନ - 164.25 କୋଟି
- ଦ୍ୱିତୀୟ ଦିନ- 93.8 କୋଟି
- ତୃତୀୟ ଦିନ- 119.25 କୋଟି
- ଚତୁର୍ଥ ଦିନ- 141.5 କୋଟି
- ପଞ୍ଚମ ଦିନ- 64.45 କୋଟି
- ଷଷ୍ଠ ଦିନ- 51.55 କୋଟି
- ସପ୍ତମ ଦିନ- 42 କୋଟି
- ଅଷ୍ଟମ ଦିନ- 37.45 କୋଟି
- ନବମ ଦିନ-36.3 କୋଟି
- ଦଶମ ଦିନ- 63.3 କୋଟି
- ଏକାଦଶ ଦିନ- 76.6 କୋଟି
- ଦ୍ୱାଦଶ ଦିନ- 26.95 କୋଟି
- ତ୍ରୟୋଦଶ ଦିନ: 24.25 କୋଟି
- ଚତୁର୍ଦ୍ଦଶ ଦିନ- 20.55କୋଟି
- ପଞ୍ଚଦଶ ଦିନ- 17.75 କୋଟି