ହାଇଦ୍ରାବାଦ: ବଲିଉଡ ଅଭିନେତା ଇମ୍ରାନ ହାଶମୀ ଆଜି ତାଙ୍କର 45 ତମ ଜନ୍ମଦିନ ପାଳନ କରୁଛନ୍ତି । ଜନ୍ମଦିନ ଅବସରରେ ଇମ୍ରାନଙ୍କ ଆଗାମୀ ଚଳଚ୍ଚିତ୍ର OGର ଫାଷ୍ଟ ଲୁକ୍ ରିଲିଜ୍ କରାଯାଇଛି । ଫିଲ୍ମରେ ଅଭିନେତା ଖଳନାୟକ ଭୂମିକାରେ ନଜର ଆସିବେ । ଏହି ଫିଲ୍ମରେ ସାଉଥ୍ର ପାଓ୍ବର ଷ୍ଟାର ପୱନ କଲ୍ୟାଣଙ୍କୁ ମଧ୍ୟ ମୁଖ୍ୟ ଭୂମିକାରେ ଦେଖିବାକୁ ମିଳିବ । ତେବେ ମର୍ଡର, ଜନ୍ନତ ଏବଂ ଆଶିକ୍ ବନାୟା ଆପନେ ଭଳି ହିନ୍ଦୀ ଚଳଚ୍ଚିତ୍ରରେ ସୁନାମ ଅର୍ଜନ କରିଥିବା ଇମ୍ରାନ ହାଶମୀ ତେଲୁଗୁ ଚଳଚ୍ଚିତ୍ରରେ କଲ୍ୟାଣଙ୍କ ବିପକ୍ଷରେ ଖଳନାୟକ ଭୂମିକାରେ ଅଭିନୟ କରିବେ ।
ଅଭିନେତାଙ୍କ ପ୍ରଥମ ଲୁକ ପୋଷ୍ଟର ସେୟାର କରି ନିର୍ମାତା କ୍ୟାପସନରେ ଲେଖିଛନ୍ତି ଯେ, "ହାପି ବାର୍ଥ ଡେ ଓମି ଭାଓ..@therealemraan । OG ରୁ ଅଧିକ ରୋମାଞ୍ଚକ ସଂଘର୍ଷର କଳ୍ପନା କରିପାରୁ ନାହିଁ "#TheyCallHimOG । ତେବେ ପୋଷ୍ଟରରେ ହାଶମୀ ସିଗାରେଟ ଜଳାଉଥିବା ଦେଖିବାକୁ ମିଳିଛି । ସେହିପରି ଅଭିନେତାଙ୍କ କପାଳରେ ଏକ କଟା ଚିହ୍ନ ଥିବା ଦେଖାଯାଉଛି । ଫିଲ୍ମରେ ଇମ୍ରାନ ହାଶମୀ ଓମି ଭାଓ ଭୂମିକାରେ ନଜର ଆସିବେ ।
ଫିଲ୍ମକୁ ନେଇ ଇମ୍ରାନ ହାଶମୀ କହିଛନ୍ତି ଯେ, 'ମୁଁ ଫିଲ୍ମ ଓଜି ସହିତ ସାଉଥ ଫିଲ୍ମ ଇଣ୍ଡଷ୍ଟ୍ରିରେ ପାଦ ଦେଇଥିବାରୁ ଉତ୍ସାହିତ ଅଛି । ଫିଲ୍ମରେ ଏକ ମନୋରମ କାହାଣୀ ଅଛି ଆଉ ଏହି ଫିଲ୍ମରେ ମତେ ଏକ ଜଟିଳ ଭୂମିକା ପ୍ରଦାନ କରାଯାଇଛି । ମୁଁ ପବନ କଲ୍ୟାଣ ସାର୍ ଓଏ ସୁଜିତଙ୍କ ସହ କାମ କରିବାରୁ ଉତ୍ସାହିତ ଅଛି ।'