ହାଇଦ୍ରାବାଦ:ହରର-କମେଡି ଚଳଚ୍ଚିତ୍ର 'ଭୁଲ ଭୁଲେୟା 2' ଦମଦାର ସଫଳତା ପରେ ଏହାର ତୃତୀୟ ଭାଗ 'ଭୁଲ ଭୁଲେୟା 3' ସହ ପୁଣି ପରଦାକୁ ଫେରୁଛନ୍ତି କାର୍ତ୍ତିକ ଆର୍ଯ୍ୟନ । ଏହି ଫିଲ୍ମ ଘୋଷଣା ହେବା ଦିନ ଠାରୁ ଫିଲ୍ମର ଅପଡେଟ ନେଇ ଫ୍ୟାନ୍ସ ଅପେକ୍ଷାରେ ରହିଥିଲେ । ଏହି ସମୟରେ କାର୍ତ୍ତିକ ଆର୍ଯ୍ୟନଙ୍କ ଫିଲ୍ମର ପ୍ରଥମ ପୋଷ୍ଟର ରିଲିଜ ହୋଇଛି । ଯାହା ବେଶ ଦମଦାର ରହିଥିବା ବେଳେ ବର୍ତ୍ତମାନ ଫିଲ୍ମର ରିଲିଜ ତାରିଖ ମଧ୍ୟ ପ୍ରକାଶ ହୋଇଛି ।
'ଭୁଲ ଭୁଲେୟା 3' ପୋଷ୍ଟର ଆଉଟ୍
କାର୍ତ୍ତିକ ଆର୍ଯ୍ୟନ ନିଜ ଇନଷ୍ଟାଗ୍ରାମରେ 'ଭୁଲ ଭୁଲେୟା 3'ର ପ୍ରଥମ ପୋଷ୍ଟର ସେୟାର କରିଛନ୍ତି । ଏହି ପୋଷ୍ଟରରେ ଏକ ବଡ଼ କବାଟ ଦେଖିବାକୁ ମିଳିଥିବା ବେଳେ ଏଥିରେ 3 ଲେଖାହେବା ସହ ତାଲା ଝୁଲୁଥିବାର ନଜର ଆସିଛି । ଏଥିସହ ଏଥିରେ ମଜାଦାର କ୍ୟାପସନ ଲେଖାଯାଇଛି 'ଏହି ଦିୱାଲୀ, ଭୁଲ ଭୁଲେୟା 3 ସହ ଦ୍ୱାର ଖୋଲିବ ।' ଏହି ପୋଷ୍ଟରକୁ ସମସ୍ତେ ପସନ୍ଦ କରିଥିବା ବେଳେ ଫିଲ୍ମକୁ ନେଇ ଉତ୍ସାହର ସହ ଅପେକ୍ଷା କରିଛନ୍ତି । ପୋଷ୍ଟରରେ ପ୍ରତିକ୍ରିୟା ଦେଇ ଜଣେ ଲେଖିଛନ୍ତି, ରୁହ ବାବା ଶୀଘ୍ର ଆସିବେ । ଆଉ ଜଣେ ଲେଖିଛନ୍ତି, ଟ୍ରେଲରକୁ ଅପେକ୍ଷା କରୁଛି। ଅନ୍ୟ ଜଣେ ଲେଖିଛନ୍ତି, ଶେଷରେ ଆପଣ ପୋଷ୍ଟ କରିଛନ୍ତି, ଆମେ ଉତ୍ସାହର ସହି ଏହାକୁ ଅପେକ୍ଷା କରିଛୁ।
ଦୀପାବଳିରେ ରିଲିଜ ହେବ 'ଭୁଲ ଭୁଲେୟା 3'
କାର୍ତ୍ତିକ ଆର୍ଯ୍ୟନଙ୍କ ଫିଲ୍ମ 'ଭୁଲ ଭୁଲେୟା 3' ଚଳିତ ବର୍ଷ ଦିପାବଳୀରେ ରିଲିଜ ହେବାକୁ ଯାଉଛି । ଯାହା ବକ୍ସ ଅଫିସରେ ଅଜୟ ଦେବଗାନଙ୍କ 'ସିଙ୍ଘମ ଏଗେନ' ସହ ଟକ୍କର ଦେବ । କାର୍ତ୍ତିକଙ୍କ ସହ ଏହି ଫିଲ୍ମରେ ତ୍ରିପ୍ତି ଡିମ୍ରୀ ଏବଂ ବିଦ୍ୟା ବାଲାନ ନଜର ଆସିବେ । ଏହି ଚଳଚ୍ଚିତ୍ରଟି ଟି-ସିରିଜ୍ ଫିଲ୍ମସ୍ ଏବଂ ସିନେ 1 ଷ୍ଟୁଡିଓ ଦ୍ୱାରା ମିଳିତ ଭାବେ ପ୍ରସ୍ତୁତ କରାଯାଇଛି ଏବଂ ଏହାକୁ ଆନିସ୍ ବାଜମି ନିର୍ଦ୍ଦେଶନା ଦେଇଛନ୍ତି ।
ଏହା ମଧ୍ୟ ପଢନ୍ତୁ:'ଭୁଲ ଭୁଲେୟା ୩'ରେ ଚରିତ୍ରକୁ ନେଇ ବଡ ଖୁଲାସା କଲେ ବିଦ୍ୟାବାଲାନ
କହିରଖୁଛୁ କି, ବିଦ୍ୟା ବାଲାନ ପ୍ରଥମ ଭାଗରେ ନଜର ଆସିଥିବା ବେଳେ ପୁଣି ତୃତୀୟ ଭାଗରେ ଲୋକଙ୍କୁ ଡରାଇବାକୁ ପ୍ରସ୍ତୁତ ରହିଛନ୍ତି । 'ଭୁଲ ଭୁଲେୟା' ପ୍ରାଞ୍ଚାଇଜର ପ୍ରଥମ ଭାଗ ପ୍ରିୟଦର୍ଶନଙ୍କ ଦ୍ୱାରା ନିର୍ଦ୍ଦେଶିତ ହୋଇଥିଲା, ଯେଉଁଥିରେ ବିଦ୍ୟାଙ୍କ ସହିତ ଅକ୍ଷୟ କୁମାର ଅଭିନୟ କରିଥିଲେ । ଦ୍ୱିତୀୟ ଭାଗରେ କାର୍ତ୍ତିକ, ତବୁ ଏବଂ କିଆରା ଆଡଭାନୀଙ୍କ ସହ ସ୍କ୍ରିନ ସେୟାର କରିଥିଲେ । ତୃତୀୟ ଭାଗ ବା ଏହି ହିଟ୍ ଫ୍ରାଞ୍ଚାଇଜ ଫିଲ୍ମରେ କାର୍ତ୍ତିକ, ତିପ୍ତୀ ଏବଂ ବିଦ୍ୟା ବାଲାନ ଅଭିନୟ କରିଛନ୍ତି । ତେବେ ପ୍ରଥମ ଦୁଇ ଭାଗ ହିଟ୍ ପରି ତୃତୀୟ ବାଗ ମଧ୍ୟ ବେଶ ଲୋକପ୍ରିୟତା ହାସଲ କରି ବୋଲି ଆଶା ରଖିଛନ୍ତି ନିର୍ମାତା ।
ଏହା ମଧ୍ୟ ପଢନ୍ତୁ:'ଭୁଲ ଭୁଲେୟା ୩'ରେ ଏଣ୍ଟ୍ରି କରିବେ କି ଅକ୍ଷୟ କୁମାର ? କାଷ୍ଟକୁ ନେଇ ଖୁଲାସା କଲେ ନିର୍ଦ୍ଦେଶକ
ବ୍ୟୁରୋ ରିପୋର୍ଟ, ଇଟିଭି ଭାରତ
