ମୁମ୍ବାଇ: ବହୁ ପ୍ରତୀକ୍ଷିତ 'କଲ୍କି 2898 ଏଡ଼ି' ଫିଲ୍ମର ବଡ଼ ଘୋଷଣା ହେବାକୁ ଯାଉଛି । ନାଗା ଅଶ୍ୱିନଙ୍କ ନିର୍ଦ୍ଦେଶିତ ସାଇନ୍ସ-ଫିକ୍ସନାଲ ଫିଲ୍ମ 'କଲ୍କି 2898 ଏଡ଼ି' ବହୁତ ଶୀଘ୍ର ବଡ଼ ପରଦାରେ ମୁକ୍ତିଲାଭ କରିବାକୁ ଯାଉଛି । ଫିଲ୍ମ ମେକର୍ସ ଆଜି (ରବିବାର) ସନ୍ଧ୍ୟାରେ ଏକ ବଡ଼ ଘୋଷଣା କରିବାର ଯୋଜନା ଥିବା ସୂଚନା ମିଳିଛି । ଯାହା ଫ୍ୟାନ୍ସଙ୍କ ପାଇଁ ଏକ ସରପ୍ରାଇଜ ହେବ । ନିର୍ମାତାମାନେ ନିକଟରେ ଅମିତାଭ ବଚ୍ଚନଙ୍କ କ୍ୟାରେକ୍ଟରର ପ୍ରଥମ ପୋଷ୍ଟର ପ୍ରାକାଶ କରି ଏହି ପ୍ରତିଶୃତି ଦେଇଛନ୍ତି ଯେ, ଆଜି ସନ୍ଧ୍ୟାରେ ଫିଲ୍ମରେ ତାଙ୍କର ଚରିତ୍ର ବିଷୟରେ ପ୍ରକାଶ କରିବେ ।
ରିଲିଜ ହୋଇଥିବା ପୋଷ୍ଟରରେ ଅମିତାଭ ବଚ୍ଚନ, ଏକ ଧଳା କପଡ଼ାରେ ଆଚ୍ଛାଦିତ ହୋଇ ମନ୍ଦିରରେ ବସିଥିବା ଦେଖିବାକୁ ମିଳିଛି । ତାଙ୍କ ମୁହଁ କପଡ଼ାରେ ସମ୍ପୂର୍ଣ୍ଣ ଭାବରେ ଘୋଡେଇ ହୋଇଥିବା ବେଳେ ସେ ରହସ୍ୟମୟ ଭାବରେ ଏକ ଉଜ୍ଜ୍ୱଳ କିରଣ ଆଡକୁ ଚାହିଁ ରହିଛନ୍ତି । ପୋଷ୍ଟର ରିଲିଜ କରି ମେକର୍ସ ପୋଷ୍ଟରରେ ଲେଖିଛନ୍ତି 'ସମୟ ଆସିଛି ଜାଣିବା ପାଇଁ ସେ କିଏ' । ତେବେ ପୋଷ୍ଟର ରିଲିଜ ପରେ ଦର୍ଶକଙ୍କ ମଧ୍ୟରେ ଫିଲ୍ମକୁ ନେଇ ଉତ୍ସାହ ଆହୁରି ଅଧିକ ବଢ଼ି ଯାଇଛି ।
ଏହା ମଧ୍ଯ ପଢ଼ନ୍ତୁ.. ପ୍ରଭାସଙ୍କ ଫ୍ୟାନଙ୍କ ପାଇଁ ଖୁସି ଖବର, ଆସିଲା କଲ୍କି 2898 ADର ରିଲିଜ ତାରିଖ - Kalki 2898 AD Release Update
ରିପୋର୍ଟ ଅନୁଯାୟୀ, ଏହି ରବିବାର କଲ୍କି 2898 ଏଡ଼ିର ଟିମର କିଛି ବଡ଼ ପ୍ଲାନ କରୁଛି । ମେକର୍ସ ଫିଲ୍ମ ସହିତ ଜଡ଼ିତ କିଛି ବଡ ଘୋଷଣା କରିବାର ଆଶା କରାଯାଉଛି । ନିର୍ମାତାମାନେ ଫିଲ୍ମର ରିଲିଜ୍ ତାରିଖ ଘୋଷଣା କିମ୍ବା ଫିଲ୍ମର କାହାଣୀ କିମ୍ବା ଏହାର ଚରିତ୍ରଗୁଡ଼ିକ ବିଷୟରେ ଘୋଷଣା କରିପାରନ୍ତି ବୋଲି ଖବର ରହିଛି ।
ବହୁ ପ୍ରତୀକ୍ଷିତ ବହୁଭାଷୀ ଫିଲ୍ମ କଲ୍କି 2898ADର ନିର୍ଦ୍ଦେଶନା ନାଗା ଅଶ୍ୱିନ ଦେଇଥିବା ବେଳେ ବୈଜନ୍ତୀ ମୁଭିଜ ଦ୍ବାରା ଏହା ନିର୍ମାଣ ହୋଇଛି। ଯେଉଁଥିରେ ଅନେକ ବଡ ବଡ ଷ୍ଟାର ନଜର ଆସିବେ। ଯେଉଁଥିରେ ଅମିତାଭ ବଚ୍ଚନଙ୍କ ବ୍ୟତୀତ ସାଉଥ ଅଭିନେତା ପ୍ରଭାସ, କମଲ ହାସନ, ବଲିଉଡ ଅଭିନେତ୍ରୀ ଦୀପିକା ପାଦୁକୋନ, ଦିଶା ପାଟାନୀ ଏବଂ ପଶୁପତିଙ୍କୁ ମୁଖ୍ୟ ଭୂମିକାରେ ନଜର ଆସିବେ ।
ରିପୋର୍ଟ ଅନୁଯାୟୀ, ଫିଲ୍ମର ବଜେଟ ପ୍ରାୟ 500 କୋଟିରୁ ଅଧିକ ବୋଲି କୁହାଯାଉଛି । ଏହାକୁ ଭାରତୀୟ ସିନେମାର ସବୁଠାରୁ ମହଙ୍ଗା ଚଳଚ୍ଚିତ୍ର ଭାବରେ ବର୍ଣ୍ଣନା କରାଯାଉଛି । ଏହି ଚଳଚ୍ଚିତ୍ରଟି ଭାରତରେ ଏବଂ ସାରା ବିଶ୍ୱରେ ତେଲୁଗୁ, ହିନ୍ଦୀ, ତାମିଲ, ମାଲାୟାଲମ୍, କନ୍ନଡ ଏବଂ ଇଂରାଜୀ ଭାଷାରେ ରିଲିଜ କରାଯିବାର ସୂଚନା ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
