ହାଇଦ୍ରାବାଦ:ପୂର୍ବତନ ମିସ୍ ୱାର୍ଲ୍ଡ ତଥା ବଲିଉଡ ଅଭିନେତ୍ରୀ ଐଶ୍ୱର୍ଯ୍ୟା ରାୟ ତାଙ୍କ ବୈବାହିକ ଜୀବନ ପାଇଁ ଲାଇମଲାଇଟରେ ରହିଛନ୍ତି । ଦୀର୍ଘ ଦିନ ଧରି ଐଶ୍ୱର୍ଯ୍ୟା ରାୟ ଏବଂ ଅଭିଷେକ ବଚ୍ଚନଙ୍କ ସହ ଛାଡପତ୍ର ନେଇ ଚର୍ଚ୍ଚା ଜୋର ଧରିଛି । ଉଭୟ ଏନେଇ କୌଣସି ଅଫିସିଆଲ ଗୋଷଣା କରିନାହାନ୍ତି । କିନ୍ତୁ ଏହାରି ମଧ୍ୟରେ ଐଶ୍ୱର୍ଯ୍ୟାଙ୍କ ଏକ ଭିଡିଓ ସାମ୍ନାକୁ ଆସିଛି । ଯେଉଁଥିରେ 'ବଚ୍ଚନ' ସରନେମ ହଟିଥିବା ଦେଖିବାକୁ ମିଳିଛି । ଯାହା ଏବେ ଖୁବ ଭାଇରାଲ ହେଉଥିବା ବେଳେ ପୁଣି ଅଭିଷେକଙ୍କ ସହ ତାଙ୍କ ସମ୍ପର୍କ ନେଇ ଆଲୋଚନା ଜୋର ଧରିଛି ।
'ବଚ୍ଚନ' ସରନେମ ହଟାଇଲେ ଐଶ୍ୱର୍ଯ୍ୟା ରାୟ !
ଐଶ୍ୱର୍ଯ୍ୟା ନିକଟରେ ଦୁବାଇରେ ଚାଲିଥିବା ଗ୍ଲୋବାଲ ମହିଳା ଫୋରମ୍ କାର୍ଯ୍ୟକ୍ରମରେ ଯୋଗ ଦେଇଥିଲେ । ଯେଉଁଠାରେ ସେ ମହିଳା ସଶକ୍ତିକରଣ ବିଷୟରେ କହିଥିଲେ। ଇଭେଣ୍ଟର ଅଫିସିଆଲ୍ ଇନଷ୍ଟାଗ୍ରାମ ପୃଷ୍ଠାରେ ଐଶ୍ୱର୍ଯ୍ୟା ଏକ ଭିଡିଓ ସେୟାର କରି ପ୍ୟାନେଲିଷ୍ଟମାନଙ୍କୁ ପ୍ରଶଂସା କରିଥିଲେ, ଯେଉଁଥିରେ ସେ ଅନେକ କ୍ଷେତ୍ରରେ ମହିଳାଙ୍କ କାର୍ଯ୍ୟ ଏବଂ ଉଦ୍ୟମକୁ ପ୍ରଶଂସା କରିଥିଲେ। ଯେତେବେଳେ ଐଶ୍ୱର୍ଯ୍ୟା ମଞ୍ଚକୁ ଆସିଲେ ସେତେବେଳେ ସ୍କ୍ରିନରେ ତାଙ୍କ ନାମ ଏବଂ ବୃତ୍ତି ପ୍ରଦର୍ଶିତ ହୋଇଥିଲା । ଏଥିରେ କେବଳ ଅନ୍ତର୍ଜାତୀୟ ତାରକା 'ଐଶ୍ୱର୍ଯ୍ୟା ରାୟ ବଚ୍ଚନ' ପରିବର୍ତ୍ତେ କେବଳ 'ଐଶ୍ୱର୍ଯ୍ୟା ରାୟ ବଚ୍ଚନ' ଲେଖା ଥିଲା । ଛାଡପତ୍ର ଖବର ଚର୍ଚ୍ଚା ମଧ୍ୟରେ 'ବଚ୍ଚନ' ସରନେମ ହଟାଇବା ଦେଖି ଲୋକେ ଆଶ୍ଚର୍ଯ୍ୟ ହୋଇଯାଇଛନ୍ତି ଏବଂ ପୁଣି ଉଭୟଙ୍କ ସମ୍ପର୍କ ନେଇ ଆଲୋଚନା ଜୋର ଧରିଛି ।
ଏହା ମଧ୍ୟ ପଢନ୍ତୁୁ:ଝିଅ ଆରାଧ୍ୟାଙ୍କ ଜନ୍ମଦିନ ଏକାକୀ ସେଲିବ୍ରେଟ କଲେ ଐଶ୍ୱର୍ଯ୍ୟା, ସାମିଲ ହେଲେନି ଅଭିଷେକ
ଇନଷ୍ଟାଗ୍ରାମରେ ଏବେ ବି ରହିଛି ସରନେମ