ହାଇଦ୍ରାବାଦ:ଆୟୁଷ୍ମାନ ଖୁରାନା ଏବଂ ତାହିରା କାଶ୍ୟପ ବଲିଉଡର ଲୋକପ୍ରିୟ ଦମ୍ପତିମାନଙ୍କ ମଧ୍ୟରୁ ଅନ୍ୟତମ । ଉଭୟଙ୍କ ବିବାହକୁ ପ୍ରାୟ ୧୫ ବର୍ଷରୁ ଅଧିକ ସମୟ ହୋଇସାରିଛି । ଆୟୁଷ୍ମାନ ଏବଂ ତାହିରାଙ୍କ ଜୀବନର ସବୁଠାରୁ କଷ୍ଟଦାୟକ ସମୟ ଥିଲା ଯେତେବେଳେ ତାହିରାଙ୍କୁ (୨୦୧୯) ସ୍ତନ କର୍କଟ ରୋଗର ଶିକାର ହୋଇଥିବା ଜାଣିବାକୁ ପାଇଥିଲେ । ବର୍ତ୍ତମାନ ତାହିରା ଏହି ରୋଗରୁ ସୁସ୍ଥ ହୋଇଯାଇଛନ୍ତି । ତେବେ ଆଜି ବିଶ୍ୱ କର୍କଟ ଦିବସରେ ଆୟୁଷ୍ମାନ ଖୁରାନା ସେହି ସମୟକୁ ମନେ ପକାଇ ତାଙ୍କ ପତ୍ନୀଙ୍କ ପାଇଁ ଏକ ସ୍ୱତନ୍ତ୍ର ପୋଷ୍ଟ ସେୟାର କରିଛନ୍ତି ।
ଆୟୁଷ୍ମାନ ଖୁରାନା ନିଜ ଇନଷ୍ଟାଗ୍ରାମରେ ତାହିରାଙ୍କ ସହ ୪ଟି ଫଟୋ ସେୟାର କରିଛନ୍ତି । ପ୍ରଥମ ଫଟୋରେ ଦୁହେଁ ସେଲଫି ନେଉଥିବା ନଜର ଆସିଛନ୍ତି । ଦ୍ୱିତୀୟ ଫଟୋରେ ତାହିରାଙ୍କ ଅସ୍ତ୍ରୋପଚାରର ଚିହ୍ନ ଦେଖାଯାଉଥିବା ଏକ ଫଟୋ ଦେଖିବାକୁ ମିଳିଛି । ତୃତୀୟ ଫଟୋରେ ତାହିରା ଏକ ପୋଜ ଦେଇଥିବା ବେଳେ ଚତୁର୍ଥ ଫଟୋରେ ବ୍ୟାୟାମ କରୁଥିବା ନଜର ଆସିଛନ୍ତି ।
କର୍କଟ ରୋଗ ସହ ଲଢେଇ କରି ତାହିରା କିପରି ଏହି ମାରାତ୍ମକ ରୋଗ କବଳରୁ ରକ୍ଷା ପାଇ ଅଦମ୍ୟ ସାହସିକତା ଦେଖାଇଥିଲେ, ତାହାକୁ ଅଭିନେତା ବେଶ ପ୍ରଶଂସା କରିଛନ୍ତି । ଏଥିସହ ଆୟୁଷ୍ମାନ 'ବିଶ୍ୱ କର୍କଟ ଦିବସ' ହାସଟ୍ୟାଗ ଦେଇ ଲେଖିଛନ୍ତି, ପଞ୍ଜାବ ବିଶ୍ୱବିଦ୍ୟାଳୟରେ ରୁମ ନମ୍ବର ୧୪ରେ ସିଙ୍ଗଡା ଖାଇବା ଏବଂ ଚା' ପିଇଥିବାର ମୁଁ ତୁମକୁ ଦେଖିଥିଲି । ମୋର ଅନ୍ତର ଆତ୍ମା ସହ ତାହିରା ମୁଁ ତୁମକୁ ଭଲ ପାଏ । ତୁମ ସାହାସିକତା ବାସ୍ତବରେ ପ୍ରଶଂସନୀୟ ।'
ଏହା ମଧ୍ୟ ପଢନ୍ତୁ:ଜନ୍ମଦିନରେ ଆୟୁଷ୍ମାନଙ୍କ ପାଇଁ ସୁନ୍ଦର ବାର୍ତ୍ତା ଲେଖିଲେ ପତ୍ନୀ ତାହିରା କଶ୍ୟପ
ସେପଟେ ଏକ ସାକ୍ଷାତକାରରେ ତାହିରା କାଶ୍ୟପ କହିଥିଲେ ଯେ 'ସେହି ସମୟ ମୋ ପାଇଁ ବହୁତ କଷ୍ଟଦାୟକ ଥିଲା । ମୁଁ ପ୍ରତ୍ୟେକ ଦିନ ରାତିରେ କାନ୍ଦୁଥିଲି । ମୁଁ ଏକ ଦୁଇଟି ଜୀବନ ବିତାଉଥିଲି । ମୁଁ ରାତିରେ କାନ୍ଦୁଥିଲି ଏବଂ ସକାଳେ ନିଜକୁ ଜଣେ ଖୁସି ବ୍ୟକ୍ତି ଭାବେ ପ୍ରତିପାଦନ କରୁଥିଲି । କାରଣ ମୁଁ ମୋ ପିଲାମାନଙ୍କ ସାମ୍ନାରେ ପରାଜିତ ହେବାକୁ ଚାହୁଁନଥିଲି । ଶେଷରେ ଏହାକୁ ପରାସ୍ତ କରିବାରେ ସକ୍ଷମ ହୋଇଥିଲି ।' କହିରଖୁଛୁ କି, ଆୟୁଷ୍ମାନ ଖୁରାନା ତାଙ୍କ ବନ୍ଧୁ ତାହିରା କାଶ୍ୟପଙ୍କୁ ୨୦୧୧ରେ ବିବାହ କରିଥିଲେ । ଉଭୟ ପ୍ରାୟ ୧୧ ବର୍ଷ ପରସ୍ପରକୁ ଡେଟ କରିବା ପରେ ବିବାହ ବନ୍ଧନରେ ଆବଦ୍ଧ ହୋଇଥିଲେ ।
