ହାଇଦ୍ରାବାଦ: ବଲିଉଡର ଅନେକ ଲୋକପ୍ରିୟ ତାରକା ଏବେ ଟଲିଉଡରେ ନିଜର ଜଲୱା ଦେଖାଇଥିବା ବେଳେ ବର୍ତ୍ତମାନ ଏହି ତାଲିକାରେ ଆଉ ଏକ ତାରକାଙ୍କ ନାଁ ଯୋଡି ହୋଇଛି । ଅଭିନେତା ଅକ୍ଷୟ କୁମାର ବର୍ତ୍ତମାନ ତେଲୁଗୁ ଚଳଚ୍ଚିତ୍ର ଇଣ୍ଡଷ୍ଟ୍ରିରେ ଡେବ୍ୟୁ କରିବାକୁ ପ୍ରସ୍ତୁତ ଅଛନ୍ତି । ତାଙ୍କର ଆଗାମୀ ଚଳଚ୍ଚିତ୍ର ସହ ଜଡିତ ଏକ ବଡ ଅପଡେଟ ସାମ୍ନାକୁ ଆସିଛି । ଖୁବଶୀଘ୍ର ଅକ୍ଷୟ କୁମାର ତେଲୁଗୁ ଫିଲ୍ମ 'କନ୍ନପ୍ପା'ରେ ନଜର ଆସିବାକୁ ଯାଉଛନ୍ତି । ଟ୍ରେଡ ଆନାଲିଷ୍ଟ ରମେଶ ବାଲା ସୋସିଆଲ ମିଡିଆରେ ଏକ ପୋଷ୍ଟ ସେୟାର କରି ଏହି ସୂଚନା ଦେଇଛନ୍ତି ।
'କନ୍ନପ୍ପା' ଷ୍ଟାରକାଷ୍ଟ
ରମେଶ ବାଲା ଏକ୍ସରେ ତେଲୁଗୁ ଫିଲ୍ମ 'କନ୍ନପ୍ପା' ପାଇଁ ଅକ୍ଷୟଙ୍କୁ ସାଇନ୍ କରାଯାଇଥିବା ସୂଚନା ଦେଇଛନ୍ତି । ସେ ପୋଷ୍ଟରେ ଲେଖିଛନ୍ତି, "ବଲିଉଡ ସୁପରଷ୍ଟାର ଅକ୍ଷୟ କୁମାର ଅଭିନେତା ବିଷ୍ଣୁ ମଞ୍ଚୁଙ୍କ ସହ ତାଙ୍କ ବିଗ୍ ବଜେଟ୍ ପାନ ଇଣ୍ଡିଆ ଫିଲ୍ମ 'କନ୍ନାପ୍ପା'ରେ ଯୋଗ ଦେଇଛନ୍ତି । ଏହି ଚଳଚ୍ଚିତ୍ରରେ ସାଉଥ ତାରକା ପ୍ରଭାସ, ମୋହନଲାଲ, ବିଷ୍ଣୁ ଏବଂ ତାଙ୍କ ପିତା ଅଭିନେତା ମୋହନ ବାବୁଙ୍କ ବ୍ୟତୀତ ପ୍ରଭୁ ଦେବା, ଶିବ ରାଜକୁମାର, ମାଧୁ, ସରଥକୁମାର, ବ୍ରହ୍ମାନନ୍ଦ, ମୁକେଶ ଋଷି, କୌଶଲ ମାନ୍ଦା ଏବଂ ଅନ୍ୟ ତାରକା ପ୍ରମୁଖ ମଧ୍ୟ ଅଭିନୟ କରିଛନ୍ତି ।''
'କନ୍ନପ୍ପା' ହେଉଛି ବିଷ୍ଣୁ ମାଞ୍ଚୁଙ୍କ ଡ୍ରିମ ପ୍ରୋଜେକ୍ଟ, ଯାହାକୁ ନିର୍ଦ୍ଦେଶକ ମୋହନ କୁମାର ସିଂ ନିର୍ଦ୍ଦେଶନା ଦେଇଛନ୍ତି । ଏଭିଏ ଏଣ୍ଟରଟେନମେଣ୍ଟ ଏବଂ 24 ଫ୍ରେମ୍ ଫ୍ରେକ୍ଟ୍ରି ଦ୍ୱାରା ଏହି ଫିଲ୍ମ ନିର୍ମିତ ହୋଇଥିବା ବେଳେ ପାରଚୁରୀ ଗୋପାଳ କୃଷ୍ଣ, ଇଶ୍ୱର ରେଡ୍ଡୀ, ଜି ନାଗେଶ୍ୱର ରେଡ୍ଡୀ ଏବଂ ଥୋଟା ପ୍ରସାଦଙ୍କ କାହାଣୀ ଉପରେ ଆଧାରିତ । କାଜଲ ଅଗ୍ରୱାଲ ଏବଂ ପରେ ନୁପୁର ସାନନ ପ୍ରଥମେ ମହିଳା ଲିଡ ଭାବରେ କାଷ୍ଟ କରାଯାଇଥିଲା । ହେଲେ ଉଭୟ ବିଭିନ୍ନ କାରଣରୁ ମନା କରିଦେଇଥିଲେ, ପ୍ରୀତି ମୁଖୁନ୍ଦନ ସେମାନଙ୍କ ସ୍ଥାନ ନେଇଛନ୍ତି । ଏହି ଚଳଚ୍ଚିତ୍ରଟି ତେଲୁଗୁ ଭାଷାରେ ସୁଟିଂ କରାଯିବ ଏବଂ ଅନ୍ୟ ଦକ୍ଷିଣ ଭାରତୀୟ ଭାଷା ଏବଂ ହିନ୍ଦୀରେ ନାମିତ ହେବ ।
ଏହା ମଧ୍ୟ ପଢନ୍ତୁ:ସରଫିରା: ଅକ୍ଷୟ କୁମାରଙ୍କ ଫିଲ୍ମକୁ ମିଳିଲା ଟାଇଟଲ, ଏହି ଦିନ ହେବ ରିଲିଜ
ପୂର୍ବରୁ ତାମଲ ଏବଂ କନ୍ନଡ ଫିଲ୍ମରେ ନଜର ଆସିଥିଲେ ଅକ୍ଷୟ
କହିରଖୁଛୁ କି, ଏହା ଅକ୍ଷୟଙ୍କର ପ୍ରଥମ ସାଉଥ ଚଳଚ୍ଚିତ୍ର ନୁହେଁ କାରଣ ଅଭିନେତା ପୂର୍ବରୁ କନ୍ନଡ ଏବଂ ତାମିଲ ଫିଲ୍ମରେ ଅଭିନୟ କରିସାରିଛନ୍ତି । ୧୯୯୩ରେ 'ଅଶାନ୍ତ' ନାମକ ଏକ ଦ୍ୱିଭାଷୀ ଚଳଚ୍ଚିତ୍ରରେ ଅଭିନୟ କରିଥିଲେ, ଯାହାକି କନ୍ନଡରେ 'ବିଷ୍ଣୁ ବିଜୟା' ନାଁରେ ମୁକ୍ତିଲାଭ କରିଥିଲା । ଏହା ବାସ୍ତବରେ ତାଙ୍କର ପ୍ରଥମ ସାଉଥ ଭାରତୀୟ ଚଳଚ୍ଚିତ୍ର ଥିଲା । ବହୁ ବର୍ଷ ପରେ ସେ ଶଙ୍କରଙ୍କ ୨୦୧୮ ଚଳଚ୍ଚିତ୍ର '୨.୦' ରେ ତାମିଲ ଡେବ୍ୟୁ କରିଥିଲେ, ଯେଉଁଥିରେ ରଜନୀକାନ୍ତ ଅଭିନୟ କରିଥିଲେ । ଏହିପରି, 'କନ୍ନପ୍ପା' ତାଙ୍କର ତୃତୀୟ ସାଉଥ ଫିଲ୍ମ ହେବାକୁ ଥିବାବେଳେ ତେଲୁଗୁ ଭାଷାରେ ଏହା ତାଙ୍କର ପ୍ରଥମ ଫିଲ୍ମ ଅଟେ ।
