ନୂଆଦିଲ୍ଲୀ:ଦେଶ ଏକ ସ୍ଥିର ଜନାଦେଶ ପାଇଛି । ତୃତୀୟ ଥର ପାଇଁ ଦେଶବାସୀ ଏକ ଦୃଢ ସରକାର ଗଠନ କରିଛନ୍ତି । ଏହି ନିର୍ବାଚନ ପରିଚାଳନା ସମଗ୍ର ବିଶ୍ବ ପାଇଁ ଏକ ଉଦାହରଣ । ଏହି ଐତିହାସିକ ଲୋକସଭାରେ ଦେଶ ବହୁ ଗୁରୁତ୍ବପୂର୍ଣ୍ଣ ନିର୍ଣ୍ଣୟରେ ପହଞ୍ଚିବ । ଭାରତ ପ୍ରଗତିର ନୂଆ ଧାରାରେ ଅଛି । ଆଗାମୀ ଦିନ ଭାରତର ହେବ । ଚଳିତ ଶତାବ୍ଦୀ ମଧ୍ୟ ଭାରତର । ଭାରତ ପ୍ରତି ବିଶ୍ବ ସମୂଦାୟର ଦୃଷ୍ଟିଭଙ୍ଗୀ ବଦଳିଛି । ତାହା ନିକଟରେ ଶେଷ ହୋଇଥିବା ଇଟାଲୀରେ ଆୟୋଜିତ ଜି-7 ସମ୍ମିଳନୀରେ ଦେଖିବାକୁ ମିଳିଛି । 1975 ମସିହାରେ ଦେଶରେ ଜାରି କରାଯାଇଥିବା ଜରୁରୀ ସ୍ଥିତି ଦେଶର ସମ୍ବିଧାନ ପ୍ରତି ସିଧା ଆକ୍ରମଣର ଏକ କଳା ଅଧ୍ୟାୟ ଥିଲା । ହେଲେ ଏହି ଆହ୍ବାନକୁ ଭାରତ ଅତିକ୍ରମ କରିବାରେ ସଫଳ ହୋଇଥିଲା ବୋଲି ଆଜି ମିଳିତ ଗୃହକୁ ସମ୍ବୋଧନରେ କହିଛନ୍ତି ରାଷ୍ଟ୍ରପତି ।
ଆଜି ଅଷ୍ଟାଦଶ ଲୋକସଭାର ପ୍ରଥମ ଅଧିବେଶନର ମିଳିତ ଗୃହକୁ ସମ୍ବୋଧିତ କରି କେନ୍ଦ୍ର ସରକାରଙ୍କ ବିଭିନ୍ନ ଯୋଜନାକୁ ପ୍ରଶଂସା କରିବା ସହ ବିଭିନ୍ନ ପ୍ରସଙ୍ଗରେ ବର୍ତ୍ତମାର ଦେଶର ଭୂମିକାକୁ ବର୍ଣ୍ଣନା କରିଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ । ଗତ 10ବର୍ଷ ମଧ୍ୟରେ କେନ୍ଦ୍ର ସରକାରଙ୍କ ବିଭିନ୍ନ ଯୋଜନାର ସଫଳ କ୍ରିୟାନ୍ବୟନ ଓ ଏହାର ଉପଲବ୍ଧିର ଦୀର୍ଘ ବିଶ୍ଳେଷଣ କରିଛନ୍ତି ରାଷ୍ଟ୍ରପତି । ନବନିର୍ବାଚିତ ସରକାର ଓ ସାଂସଦମାନଙ୍କୁ ପ୍ରଥମେ ନିର୍ବାଚନୀ ବିଜୟର ଶୁଭେଚ୍ଛା ଜଣାଇ ରାଷ୍ଟ୍ରପତି ତାଙ୍କ ସମ୍ବୋଧନ ଆରମ୍ଭ କରି ଅର୍ଥନୀତି, କୃଷି, ସାମାଜିକ ସଂସ୍କାର, ମହିଳା ସଶକ୍ତିକରଣ, ଗଣତାନ୍ତ୍ରିକ ମୂଲ୍ୟବୋଧ ପରି ତମାମ ପ୍ରସଙ୍ଗ ଉପରେ ଏକ ଦୀର୍ଘ ବିଶ୍ଳେଷଣାତ୍ମକ ଅଭିଭାଷଣ ରଖିଛନ୍ତି ।
ଆତ୍ମନିର୍ଭରତା ଦିଗରେ ବଢୁଛି ଭାରତ:-
ରାଷ୍ଟ୍ରପତି କହିଛନ୍ତି, ‘‘ଏବେ ସରକାର‘ଏମଏସପି’ ରେ ବୃଦ୍ଧି କରିଛନ୍ତି । ଆମେ ବିଭିନ୍ନ କ୍ଷେତ୍ରରେ ଅଧିକ ଆତ୍ମନିର୍ଭର ହେବା ଲକ୍ଷ୍ୟରେ ନୀତି ପ୍ରସ୍ତୁତ କରାଯାଉଛି । ବିଦେଶୀ ଆମଦାନୀ ଉପରେ ନିର୍ଭରଶୀଳତା ହ୍ରାସ କରିବା ଉପରେ ନୂଆ ରଣନୀତି ପ୍ରସ୍ତୁତ କରାଯାଉଛି । ଜୈବିକ କୃଷି ପ୍ରଣାଳୀକୁ ସଶକ୍ତ କରାଯାଉଛି । ଏହି ପ୍ରୟାସରେ କୃଷି କ୍ଷେତ୍ରରେ ଖର୍ଚ୍ଚ ପରିମାଣ ହ୍ରାସ ପାଇବ ଓ କୃଷକଙ୍କ ଆୟ ମଧ୍ୟ ବଢିବ । 2023 ରେ ଭାରତ ଉଦ୍ୟମରେ ଅନ୍ତର୍ଜାତୀୟ ମିଲେଟ ଡେ’ ବିଶ୍ବରେ ପାଳିତ ହୋଇଛି । ଭାରତୀୟ ପରମ୍ପରାରୁ ସୃଷ୍ଟି ଯୋଗ ଦିବସ ମଧ୍ୟ ସାରା ଦେଶରେ ପାଳିତ ହୋଇଛି । ଭାରତ ଏକ ସୁସ୍ଥ ବିଶ୍ବ ନିର୍ମାଣର ପ୍ରୟାସରେ ଅଛି । ଜଳବାୟୁ ପରିବର୍ତ୍ତନରେ ମଧ୍ୟ ଭାରତ ଏକ ଅଗ୍ରଣୀ ଦେଶ ଭାବେ ରହିଛି । ଆଗାମୀ ସମୟ ସବୁଜ ଯୁବ ହେବ । ଆମେ ସେଥିପାଇଁ ମଧ୍ୟ ଚେଷ୍ଟା କରୁଛି । ଗ୍ରୀନ ଏନର୍ଜୀରୁ ଗ୍ରୀନ ମୋବଲିଟି ଆଡକୁ ଭାରତର ଯାତ୍ରା ଜାରି ରହିଛି । ପ୍ରଦୂଷଣରୁ ମୁକ୍ତ ଓ ସ୍ବଚ୍ଛ୍ବ ସହରରେ ରହିବା ଭାରତୀୟଙ୍କ ଅଧିକାର ହୋଇସାରିଛି ।’’
ରାଷ୍ଟ୍ରପତି ଆହୁରି ମଧ୍ୟ କହିଛନ୍ତି, ବିଭିନ୍ନ କ୍ଷେତ୍ରରେ ଭାରତ ପ୍ରଗତିର ନୂଆ ଧାରା ସୃଷ୍ଟି କରିଛି । ଏବେ ଭାରତ ଦୁନିଆର ତୃତୀୟ ବଡ ବେସାମରିକ ବିମାନ ଚଳାଚଳ କ୍ଷେତ୍ର ହୋଇସାରିଛି । 2024 ସୁଦ୍ଧା ଦେଶରେ 605 ଏୟାର-ରୁଟ ପ୍ରତିଷ୍ଠା ହୋଇଛି । ଦେଶର ପରିବହନ କ୍ଷେତ୍ର ମଧ୍ୟ ପରିବର୍ତ୍ତିତ ହେଉଛି । ଏବେ ବନ୍ଦେ ମେଟ୍ରୋ ଉପରେ କାମ କରୁଛି ସରକାର । ଦେଶରେ ଗରିବଙ୍କ ପାଇଁ ମୁକ୍ତ ରାସନ, ଦେୟମୁକ୍ତ ବିଜୁଳି ଯୋଗାଣ ଓ ‘ପିଏମ ସୌର ଘର’ ଯୋଜନା କାର୍ଯ୍ୟକାରୀ କରାଯାଇଛି ।
25 କୋଟି ଲୋକ ଗରିବି ମୁକ୍ତ ହୋଇଛନ୍ତି :-