हैदराबाद ओप्पो फाइंड एक्स 8 सीरीज भारतात लाँच : स्मार्टफोन ब्रँड ओप्पोनं अखेर गुरुवारी जागतिक लॉंचनंतर आपला फ्लॅगशिप फोन ओप्पो फाइंड एक्स 8 सीरीज भारतात लॉंच केला. Oppo Find X8 आणि Oppo Find X8 Pro हे स्मार्टफोन सीरीज अंतर्गत लॉंच करण्यात आले आहेत. दोन्ही फोनमध्ये शक्तिशाली कॅमेरे, एक मोठा डिस्प्ले आणि बॅटरी देण्यात आली आहे.
किती आहे किंमत ? :Oppo Find X8 ची भारतात सुरुवातीची किंमत 69 हजार 999 रुपये आहे. या किंमतीत, 12 GB + 256 GB स्टोरेज प्रकार उपलब्ध आहे. त्याच वेळी, 16 GB + 512 GB ची किंमत 79 हजार 999 रुपये आहे. Find X8 Pro च्या 16 GB RAM + 512 GB स्टोरेजची किंमत 99 हजार 999 रुपये आहे. ३ डिसेंबरपासून सर्व फोन ओप्पो ई-स्टोअर, फ्लिपकार्ट आणि मेनलाइन रिटेल आउटलेटवर उपलब्ध होतील.
Oppo Find X8 डिस्प्ले :Oppo Find X8 Pro मध्ये 6.78-इंचाचा AMOLED डिस्प्ले असून बेस व्हेरिएंटमध्ये 6.59-इंचाचा AMOLED डिस्प्ले आहे. डिस्प्लेमध्ये 120Hz रीफ्रेश रेट, 2780×1264 रेझोल्यूशन, 19.8:9 आस्पेक्ट रेशो, 4500 nits पीक ब्राइटनेस, डॉल्बी व्हिजन, HDR10+ सारखी वैशिष्ट्ये आहेत. दोन्ही फोनमध्ये MediaTek Dimensity 9400 प्रोसेसर, TSMC 3nm प्रोसेस LPDDR5X RAM आणि UFS4.0 स्टोरेजसाठी सपोर्ट आहे. फोन X-axis haptic मोटर आणि Android 15 वर आधारित ColorOS15 ऑपरेटिंग सिस्टमसह येतो.