हैदराबाद : गेल्या काही आठवड्यांपासून, स्वदेशी दुचाकी उत्पादक बजाज ऑटो एका नवीन बाईकचं टीझर रिलीज केला होता. पण, अखेर कंपनीनं त्यांची 2025 ची बजाज पल्सर आरएस200 लाँच केली आहे. कंपनीनं ही कार 1.84 लाख रुपये (एक्स-शोरूम) किमतीत लाँच केली आहे. या मोटरसायकलची पहिली आवृत्ती 20215 मध्ये लाँच करण्यात आली होती, तेव्हापासून ही मोटरसायकलला व्यापक अपडेटसह लॉंच करण्यात आलीय. अपडेटसोबतच, मोटरसायकलमध्ये अनेक कॉस्मेटिक बदल देखील करण्यात आले आहेत, तसंच ती अद्ययावत करण्यासाठी अनेक नवीन वैशिष्ट्ये जोडण्यात आली आहेत.
2025 बजाज पल्सर आरएस200 चं डिझाइन
मोटरसायकलच्या डिझाइनमध्ये मोठ्या प्रमाणात बदल झाला नसला तरी, त्यात पूर्वीप्रमाणेच एजी स्प्लिट हेडलॅम्प सेटअप, एलईडी प्रोजेक्टर लाईट्स आहेत. त्याच्या टँक आणि खालच्या काऊलची रचना देखील पूर्वीसारखीच ठेवण्यात आली आहे. मागील बाजूस, मोटरसायकलला एक नवीन आणि कमीत कमी एलईडी टेल लॅम्प सेटअप मिळतोय.
2025 बजाज पल्सर आरएस200 वैशिष्ट्ये आणि रंग पर्याय
2025 पल्सर आरएस200 तीन रंगांच्या पर्यायांमध्ये उपलब्ध आहे, ज्यामध्ये ग्लॉसी रेसिंग रेड, पर्ल मेटॅलिक व्हाइट आणि अ‍ॅक्टिव्ह सॅटिन ब्लॅक रंगाचा समावेश आहे. वैशिष्ट्यांच्या बाबतीत, मोटरसायकलला आता टर्न-बाय-टर्न नेव्हिगेशन, कॉल आणि एसएमएस अलर्टसह एक नवीन डिजिटल इन्स्ट्रुमेंट कन्सोल मिळतोय. हे तेच TFT युनिट आहे, जे पल्सर NS200 आणि N250 सारख्या मॉडेल्समध्ये वापरलं जातं.