आईस्क्रीममध्ये सापडलेले बोट कंपनीतील असिस्टंट ऑपरेटर मॅनेजरचं; डीएनए अहवालातून झाले स्पष्ट - Human Finger Inside an Ice cream

Human Finger Inside an Ice cream : काही दिवसांपूर्वी मुंबई येथे एका एमबीबीएस डॉक्टरला ऑनलाईन मागवलेल्या आईस्क्रीममध्ये बोटाचा तुकडा सापडल्यानं खळबळ उडाली होती. याप्रकरणी पोलीस ठाण्यात तक्रार दाखल करण्यात आली होती. त्यानंतर बोट फॉरेन्सिक लॅबमध्ये तपासणीकरिता पाठवण्यात आले होते. तर आता आईस्क्रीममध्ये सापडलेल्या बोटाचा डीएनए (DNA) अहवाल आला आहे.

मुंबई Human Finger Inside an Ice Cream : काही दिवसांपूर्वी मालाडमधील डॉक्टर ब्रेंडन ऍटिक्स फेरॉव (वय २६) यांनी ऑनलाईन मागवलेल्या बटरस्कॉच आईस्क्रीमच्या कोनमध्ये सापडलेला मानवी बोटाचा तुकडा हा पुण्यातील आईस्क्रीम बनविणाऱ्या कारखान्यात कार्यरत असलेल्या असिस्टंट ऑपरेटर मॅनेजर (Assistant Operator Manager) ओंकार पोटे (वय २४) यांच असल्याचं डीएनए (DNA) अहवालात स्पष्ट झाल्याची माहिती, पोलीस उपायुक्त आनंद भोईटे यांनी दिली आहे.

ओंकार पोटे यांच्या डोक्यावर अटकेची टांगती तलवार : आईस्क्रीममध्ये बोटाचा तुकडा हा पुण्यातील फॉर्च्युन कंपनीत कार्यरत असलेल्या असिस्टंट ऑपरेटर मॅनेजर ओंकार पोटे याचं असल्याचं डीएनए अहवालात स्पष्ट झाल्यामुळं ओंकार पोटे यांच्या डोक्यावर अटकेची टांगती तलवार आहे.

तपासणीसाठी डीएनए सॅम्पल : 11 मे 2024 रोजी आईस्क्रीम पॅकिंग करताना ओंकार पोटे यांच्या उजव्या हाताच्या बोटाचा काही भाग कापला गेला होता. त्यावेळी तो बोटाचा तुकडा आईस्क्रीममध्ये पॅकिंगदरम्यान गेला होता. या खुलाशानंतर मुंबई पोलिसांनी फॉर्च्युन कंपनीविरुद्ध निष्काळजीपणाचा गुन्हा दाखल केला होता. गुन्हा दाखल झाल्यानंतर कंपनीतील याला जबाबदार असलेल्या अधिकाऱ्यांवर अटकेची टांगती तलवार आहे. अलीकडेच पुण्यातील फॉर्च्युन कंपनीच्या कारखान्यात काम करताना अपघात होऊन कामगाराने उजव्या हाताच्या मधल्या बोटाचा तुकडा पडल्याचे प्राथमिक पोलीस चौकशीत समोर आलं होतं. पोलिसांनी या कामगाराचे आणि बोटाच्या तुकड्याचे डीएनए सॅम्पल तपासणीसाठी न्यायवैद्यक प्रयोगशाळेत पाठविले होते.

कारखान्यात कापले बोट: पुण्यातील इंदापूर येथील फॉर्च्युन डेअरी कारखान्यात ओंकार पोटे हे एप्रिल महिन्यात असिस्टंट ऑपरेटर मॅनेजर म्हणून रुजू झाले आहेत. ११ मे च्या सकाळी पॅकिंग विभागामध्ये काम करत असताना अपघात होऊन त्याच्या मधल्या बोटाचा वरचा भाग कापला गेला होता. या घटनेने कारखान्यात एकच खळबळ उडाली होती. कारखान्यातील कर्मचाऱ्यांनी जखमी अवस्थेतील ओंकारच्या यांच्या बोटावर उपचार केले. मात्र, त्याचा तुटलेला बोटाचा तुकडा सापडला नव्हता.

मालाड पोलिसांनी दाखल केला गुन्हा : मालाडमधील डॉक्टर ब्रेंडन ऍटिक्स फेरॉव यांची बहिण जेसिकाने १२ जूनला ऑनलाईन वस्तू-सेवा पुरवणाऱ्या जेप्टो कंपनीमार्फत युम्मो आइस्क्रीमच्या तीन कोनसह अन्य काही किराणा वस्तू मागवल्या होत्या. आईस्क्रीम खात असताना त्यांना त्यात नखासह बोटाचा तुकडा सापडला होता. एमबीबीएस डॉक्टर ब्रेंडन यांची फिर्याद नोंदवून घेत मालाड पोलिसांनी भारयीय दंड सानिवधान कलम २७२, २७३ आणि ३३६ अन्वये गुन्हा दाखल करुन तपास सुरु केला होता.

हेही वाचा -