Published : 4 hours ago
|Updated : 21 minutes ago
मुंबई:राज्यातील 288 विधानसभा जागांसाठी मतदान प्रक्रिया सुरू आहे. संध्याकाळी 6 वाजता ही मतदान प्रक्रिया संपणार आहे. निवडणूक प्रचारात पंतप्रधान नरेंद्र मोदी, केंद्रीय गृहमंत्री अमित शाह, लोकसभेचे विरोधी पक्षनेते राहुल गांधी, काँग्रेसच्या सरचिटणीस प्रियंका गांधी वड्रा यांसारखे प्रमुख नेते आणि अनेक केंद्रीय मंत्र्यांनी निवडणूक प्रचारात सहभाग घेतला. महायुतीला सरकार टिकवण्याचं तर महाविकास आघाडीला सत्ता आणण्याचं मोठ आव्हान आहे.
LIVE FEED
राज्यात सकाळी 11 वाजेपर्यंत 18.14 टक्के मतदानाचे प्रमाण राहिले आहे. विशेष म्हणजे दुर्गम भागाचे प्रमाण अधिक असलेल्या गडचिरोलीत सर्वाधिक 30 टक्के मतदान झाले आहे.
नंदुरबार जिल्ह्यात सकाळी - 11 वाजेपर्यंतची मतदान टक्केवारी
01- अक्कलकुवा विधानसभा मतदारसंघ- 19.57 टक्के
02- शहादा विधानसभा मतदारसंघ- 24.98 टक्के
03- नंदुरबार विधानसभा मतदारसंघ- 17.57 टक्के
04- नवापूर विधानसभा मतदारसंघ- 24.58 टक्के
*जिल्ह्यात एकूण 21.60 टक्के मतदान*
शिवसेना (उद्धव ठाकरे) पक्ष प्रमुख, माजी मुख्यमंत्री उद्धव ठाकरे, आदित्य ठाकरे, रश्मी ठाकरे, तेजस ठाकरे हे वांद्रे पूर्व येथील साहित्य सहवास मतदान केंद्रावर पोहोचले आहेत. ते थोड्याच वेळात मतदान करणार आहेत.
वांद्रे पूर्व मतदारसंघात शिवसेनेचे (उबाठा) उमेदवार वरुण सरदेसाई रिंगणात आहेत
मुंबई: महाराष्ट्र काँग्रेसचे अध्यक्ष आणि पक्षाचे साकोली येथील उमेदवार नाना पटोले म्हणाले, " काँग्रेसच्या नेतृत्वाखाली महाविकास आघाडीचे सरकार स्थापन होणार आहे. राज्यात काँग्रेसला सर्वाधिक मते मिळणार आहेत. विनोद तावडे काल पैसे वाटताना पकडले गेले. भाजप प्रदेशाध्यक्षांना पत्रे वाटण्याची काय सक्ती होती. पैसे आणि दारू वाटून ते व्होट जिहाद करत आहेत का? "
पुणे जिल्ह्यात सकाळी 9 वाजेपर्यंत 5.53 टक्के मतदान झाले.
नागपूरमध्ये सकाळी 9 वाजेपर्यंत सरासरी 6.86 टक्के मतदान झाले.
मतदानाची टक्केवारी
- हिंगणा - 5.32
- कामठी - 6.71
- काटोल - 5.20
- मध्य - 6.14
- पूर्व - 8.01
- उत्तर - 3.54
- दक्षिण - 8.40
- दक्षिण -पश्चिम - 8.92
- पश्चिम - 7.50
- रामटेक - 6.71
- सावनेर - 7.25
- उमरेड - 8.98
जळगाव जिल्ह्यातील 11 विधानसभा मतदार संघात सकाळी 7 ते 9 पर्यंतची एकूण अंदाजे सरासरी मतदान टक्केवारी 5.85 टक्के
नंदुरबार जिल्ह्यात एकूण 7.76 टक्के मतदान
1- अक्कलकुवा विधानसभा मतदारसंघ- 6.52 टक्के
2- शहादा विधानसभा मतदारसंघ- 10.18 टक्के
3- नंदुरबार विधानसभा मतदारसंघ- 6.00 टक्के
4- नवापूर विधानसभा मतदारसंघ- 8.30 टक्के
गोंदिया जिल्ह्यातील 4 विधानसभामध्ये आता पर्यंत 8 टक्के मतदान झालेलं आहे.
अभिनेता रितेश देशमुख आणि त्याची पत्नी, अभिनेत्री जेनेलिया डिझोसा यांनी लातूर येथील मतदान केंद्रावर मतदान केले. रितेश यानं महाविकास आघाडी सरकार स्थापन करेल असा विश्वास व्यक्त केला. तसेच दोन्ही भाऊ ( अमित देशमुख आणि धीरज देशमुख) जिंकणार आहेत, अशा विश्वास व्यक्त केला.
मुंबई शहर जिल्ह्यातील दहा विधानसभा मतदारसंघात सकाळी ०९.०० वाजेपर्यंत अंदाजे ०६.२५ टक्के मतदान झाले आहे.
*विधानसभा मतदारसंघ* *मतदानाची टक्केवारी (अंदाजे)*
१७८धारावी - ०४.७१ टक्के
१७९ सायन-कोळीवाडा - ०६.५२ टक्के
१८० वडाळा – ०६.४४ टक्के
१८१ माहिम – ०८.१४ टक्के
१८२ वरळी – ०३.७८ टक्के
१८३ शिवडी – ०६.१२ टक्के
१८४ भायखळा – ०७ .०९ टक्के
१८५ मलबार हिल – ०८.३१ टक्के
१८६ मुंबादेवी - ०६.३४ टक्के
१८७ कुलाबा - ०५.३५ टक्के
राष्ट्रवादीचे अध्यक्ष (शरद पवार) शरद पवार म्हणाले, "महाराष्ट्रात नक्कीच सत्ता परिवर्तन होईल. जो योग्य उमेदवार त्यांनाच मतदान करा." भाजपाचे महामंत्री विनोद तावडे यांनी पैसे वाटप केल्याचे आरोप करण्यात आले. त्यावर शरद पवार म्हणाले, " बरीच वर्षे त्यांना ओळखतो. माहितीशिवाय बोलणं योग्य नाही." सुप्रिया सुळे यांच्यावर कथित बिटकॉईन घोटाळ्यात सहभाग असल्याचा आरोप करण्यात आला. त्यावर शरद पवार म्हणाले, आरोपी हा तुरुंगात राहिलेला आहे. त्यामुळे फारस महत्त्व देण्याची आवश्यकता नाही."
खासदार सुप्रिया सुळे यांनी मतदान केंद्रावर आल्यानंतर कथित क्रिप्टो घोटाळ्याच्या आरोपाबाबत प्रतिक्रिया दिली. खासदार सुळे म्हणाल्या, " खोटे संदेश, व्हाईस नोट्स असल्यानं सायबर क्राईमकडं तक्रार दाखल केली. भाजपा प्रवक्ते सुधांशू त्रिवेदी यांच्याविरोधात फौजदारी मानहानीची नोटीस पाठविली आहे. त्रिवेदी यांच्या प्रत्येक प्रश्नाला उत्तर देण्यास तयार आहे. ते जेव्हा मला कॉल करतील, त्या शहरात, हव्या त्या वृत्तवाहिनीवर येईल. माझ्यावरील सर्व आरोप खोटे आहेत."
माजी क्रिकेटपटू तथा भारतरत्न सचिन तेंडुलकरनं मुंबईत मतदानाचा हक्क बजाविला. यावेळी संपूर्ण तेंडुलकर कुटुंबीय एकत्र असल्याचं पाहायला मिळालं. तेंडुलकर कुटुंबीयांनी एकत्र मतदान केलं. सचिन तेंडुलकर केंद्रीय निवडणूक आयोगाचा ब्रँड अँबेसिडर आहे. मतदान करण्याचं भारतरत्न तेंडुलकरनं आवाहनं केले.
जालना विधानसभा मतदारसंघाचे उमेदवार अर्जुन खोतकर यांनी आपल्या कुटुंबासह शहरातील भाग्यनगर येथे संस्कार प्रबोधिनी या शाळेत असलेल्या मतदान केंद्रावर पोहोचले. त्यांनी आपला मतदानाचा हक्क बजावला आहे.
मुंबई : शिवसेनेच्या नेत्या आणि मुंबादेवी मतदारसंघातील उमेदवार शायना एन.सी. यांनी मतदान हक्क बजाविण्याचे महत्त्व सांगितलं. त्या म्हणाल्या, "मी आमच्या मुंबईतील लोकांना सांगेन, घराबाहेर पडून मतदान करा. तुम्ही मतदान केले तर तुम्ही प्रश्न विचारू शकता. पण तुमच्या हातावर मतदानाच्या खुणा असल्याशिवाय तुम्ही काहीही करू शकत नाही. लोकशाहीच्या या उत्सवात बाहेर पडून आपली नैतिक जबाबदारी पार पाडा."
अभिनेता अक्षय कुमारने 2024 च्या महाराष्ट्र विधानसभा निवडणुकीत मतदान केले. अक्षय कुमारनं म्हटलं, "मतदान केंद्रावर अत्यंत चांगली व्यवस्था करण्यात आली आहे. स्वच्छता ठेवण्यात आलीय. ज्येष्ठ नागरिकांसाठी अत्यंत चांगली व्यवस्था करण्यात आली आहे."
बारामती विधानसभा मतदारसंघातील राष्ट्रवादीचे (एसपी) उमेदवार युगेंद्र पवार म्हणाले," मला 100 टक्के विश्वास आहे, बारामतीची जनता शरद पवारांना विसरणार नाही. आम्हाला आशीर्वाद देईल."
महाविकास आघाडीचे काँग्रेसचे उमेदवार संग्राम थोपटे यांनी भोर मतदारसंघात मतदानाचा हक्क बजाविला आहे. बारामती विधानसभा मतदारसंघाचे उमेदवार तथा उपमुख्यमंत्री अजित पवार यांनी मूळ गावी जाऊन मतदान केले.
बृहन्मुंबई महानगरपालिका आयुक्त तथा जिल्हा निवडणूक अधिकारी भूषण गगराणी यांनी मतदानाचा अधिकार बजावला आहे.
भाजपचे ज्येष्ठ नेते उत्तर प्रदेशचे माजी राज्यपाल राम नाईक यांनी गोरेगाव पहाडी शाळेत मतदानाचा हक्क बजावला.