अशक्य...! ना चौकार, ना षटकार तरीही 1 चेंडूवर 286 धावा - 286 Runs in 1 Ball

286 Runs in 1 Ball : आजच्या क्रिकेटच्या खेळात, 6 चेंडूत 6 षटकार किंवा 4 चेंडूत 4 विकेट ऐकून प्रत्येकाला मोठा धक्का बसतो. पण एक काळ असा होता जेव्हा असा विक्रम रचला गेला होता जो आजही ऐकून लोक आश्चर्यचकित होतात.

मुंबई 286 Runs in 1 Ball : आजच्या क्रिकेटच्या खेळात, 6 चेंडूत 6 षटकार किंवा 4 चेंडूत 4 विकेट ऐकून प्रत्येकाला मोठा धक्का बसतो. पण एक काळ असा होता जेव्हा असा विक्रम रचला गेला होता जो आजही ऐकून लोक आश्चर्यचकित होतात. आम्ही तुम्हाला अशा एका विक्रमाबद्दल सांगणार आहोत जो तुम्हाला हादरवून सोडेल, तो म्हणजे 1 चेंडूत 286 धावांचा विक्रम. आजच्या चाहत्यांना हे खोटं वाटत असलं तरी 130 वर्षांपूर्वी केलेल्या या विक्रमानं क्रिकेट विश्वात खळबळ उडवून दिली होती.

130 वर्षांपूर्वीची विचित्र घटना :वर्ष 1894 होतं, जेव्हा क्रिकेटच्या मैदानावर एक विचित्र घटना घडली. फलंदाजांनी एकही चौकार किंवा षटकार न मारता केवळ 1 चेंडूवर एकदिवसीय सामन्याची धावसंख्या केली. ईएसपीएन क्रिकइन्फोच्या मते, जानेवारी 1894 मध्ये लंडनमधून प्रकाशित होणाऱ्या 'पाल-माल गॅझेट' या वृत्तपत्रात एक अहवाल प्रकाशित झाला होता. ज्यात हा चमत्कारिक रेकॉर्ड सांगण्यात आला होता. या रेकॉर्डचं संपूर्ण सत्य काय आहे आणि ते कसं शक्य झालं ते जाणून घेऊया.

असं कसं झालं : 1894 च्या त्या सामन्यात जी काही घटना घडली ती कॅमेऱ्यात कैद झाली नाही. पण वृत्तपत्रात प्रसिद्ध झालेल्या वृत्तात एका चेंडूवर 286 धावा झाल्याची माहिती देण्यात आली होती, 15 जानेवारी 1894 ची ही घटना आहे, जेव्हा व्हिक्टोरिया आणि स्क्रॅच-इलेव्हन या दोन संघांमध्ये सामना खेळला जात होता. बोनबरी मैदान या सामन्याचं साक्षीदार ठरलं, व्हिक्टोरियाचे फलंदाज क्रीझवर होते. एका फलंदाजानं चेंडू अशा प्रकारे मारला की तो झाडावर अडकला.

फलंदाज 6 किलोमीटर धावले : चेंडू झाडावर अडकताच फलंदाज धावून धावू लागले. अडकलेला चेंडू काढणं जवळजवळ अशक्य होतं, त्यामुळं गोलंदाज संघानं पंचांना चेंडू हरवल्याचं घोषित करण्याचं आवाहनही केलं, जेणेकरुन फलंदाजांना धावा करण्यापासून रोखता येईल. पण पंचांनी तो फेटाळला. अहवालात दावा करण्यात आला आहे की क्षेत्ररक्षण करणाऱ्या संघानं झाड तोडण्याचा निर्णय घेतला पण कुऱ्हाड सापडली नाही. तथापि, काही तासांनंतर, रायफलचं लक्ष्य ठेवून चेंडू काढण्यात आला, तोपर्यंत फलंदाजांनी 286 धावा केल्या होत्या. खेळपट्टीवर फलंदाजांनी 6 किलोमीटरपर्यंत धाव घेतली होती. आज अनेकांचा या घटनेवर विश्वास बसत नाही. मात्र, आताच्या क्रिकेट युगात हे शक्य नाही.

हेही वाचा :