शारजाह (युएई) Afghanistan vs South Africa 1st ODI Live Streaming : अफगाणिस्तान राष्ट्रीय क्रिकेट संघ आणि दक्षिण आफ्रिका राष्ट्रीय क्रिकेट संघ यांच्यात आज 18 सप्टेंबरपासून तीन एकदिवसीय सामन्यांची मालिका सुरु होत आहे. 3 सामन्यांच्या मालिकेतील शेवटचा सामना 22 सप्टेंबर रोजी होणार आहे. ही एकदिवसीय मालिका युएईमधील शारजाह क्रिकेट स्टेडियमवर खेळवली जाणार आहे. दोन्ही संघांमधील ही पहिलीच द्विपक्षीय मालिका असेल. दोन्ही संघांमध्ये आतापर्यंत 5 सामने झाले असून सर्व सामने दक्षिण आफ्रिकेच्या नावावर आहेत. 5 सामन्यांपैकी 3 टी-20 सामने होते तर 2 एकदिवसीय सामने होते.
दक्षिण आफ्रिकेचं वर्चस्व : हे दोन संघ शेवटच्या वेळी आमनेसामने आले होते, तेव्हा ब्रायन लारा स्टेडियमवर खेळल्या गेलेल्या T20 विश्वचषक स्पर्धेच्या उपांत्य फेरीत दक्षिण आफ्रिकेनं अफगाणिस्तानचा नऊ गडी राखून पराभव केला. अफगाणिस्तानसाठी आनंदाची बातमी म्हणजे त्यांचा स्टार गोलंदाज राशिद खाननं पुनरागमन केलं आहे. आयर्लंडविरुद्धच्या वनडे मालिकेत तो खेळू शकला नव्हता. मात्र यजमान अफगाणिस्तान संघाला सलामीवीर इब्राहिम झाद्रानची उणीव भासेल.
- अफगाणिस्तान विरुद्ध दक्षिण आफ्रिका यांच्यातील पहिला एकदिवसीय सामना कधी खेळला जाईल?
अफगाणिस्तान विरुद्ध दक्षिण आफ्रिका यांच्यातील पहिला एकदिवसीय सामना बुधवार, 18 सप्टेंबर रोजी होणार आहे.
- अफगाणिस्तान विरुद्ध दक्षिण आफ्रिका यांच्यातील पहिला एकदिवसीय सामना कुठं खेळवला जाईल?
अफगाणिस्तान विरुद्ध दक्षिण आफ्रिका यांच्यातील पहिला एकदिवसीय सामना शारजाह क्रिकेट स्टेडियम, शारजाह इथं होणार आहे.
- अफगाणिस्तान विरुद्ध दक्षिण आफ्रिका यांच्यातील पहिला एकदिवसीय सामना किती वाजता सुरु होईल?