मेष Horoscope 21 August 2024 : आपल्या राशीपासून चंद्र लाभ स्थानी आहे. आजचा दिवस शुभ फलदायी आहे. स्नेही, स्वकीय आणि मित्रांसह सामाजिक कार्यात सहभागी व्हाल. मित्रांकडून लाभ होतील. त्यांच्यासाठी पैसा सुद्धा खर्च करावा लागेल. वडीलधारी आणि स्नेहीजन यांच्याशी संपर्क होऊन काही व्यवहार वाढतील. एखाद्या रम्य स्थळी सहलीस जाण्याचा बेत आखू शकाल. अचानक धनलाभ संभवतो. संततीकडून एखाद्या लाभाची अपेक्षा बाळगू शकता.
वृषभ :आपल्या राशीपासून चंद्र दशम स्थानी आहे. आजचा दिवस अनुकूलतेचा आहे. नवीन कामाच्या योजना यशस्वीपणे आखू शकाल. नोकरी - व्यवसायातील वातावरण आपणास अनुकूल राहील. नोकरीत वरिष्ठांची मर्जी राहील. अपूर्ण कामं तडीस जातील. बढती मिळून आर्थिक लाभ होण्याची शक्यता आहे. घरात वर्चस्व राहून आपलेपणा वाढेल. भेटवस्तू आणि मान - सन्मान प्राप्त झाल्यानं मन प्रसन्न होईल.
मिथुन : आपल्या राशीपासून चंद्र भाग्य स्थानी आहे. मानसिक दृष्टया आजचा दिवस द्विधा अवस्था आणि कटकटीचा राहील. शरीरानं थकाल आणि आळसामुळे कामात उत्साह वाटणार नाही. पोटदुखीचा त्रास संभवतो. पैसा खर्च होईल. व्यवसायात अडचणी येतील. सहकारी सहकार्य करणार नाहीत. संततीची काळजी राहील. राजकीय अडचणी त्रास देतील. आज नवीन कार्यारंभ न करणं हितावह राहील. प्रतिस्पर्ध्यांशी शक्यतो वाद टाळावेत.
कर्क : आपल्या राशीपासून चंद्र अष्टम स्थानी आहे. आज प्रत्येक गोष्टीत जपून व्यवहार करावा लागेल. कुटुंबीयांशी वाद संभवतात. वाणी आणि संतापावर नियंत्रण ठेवल्यास संभाव्य कटुता टळू शकेल. खर्च वाढण्याची शक्यता आहे. अवैध कामांपासून शक्य तितकं दूर राहावं.
सिंह : आपल्या राशीपासून चंद्र सातव्या स्थानी आहे. आज वैवाहिक जीवनात कटुता निर्माण होण्याची शक्यता आहे. जोडीदाराची प्रकृती बिघडण्याची सुद्धा शक्यता आहे. भागीदार आणि व्यापारी यांच्याशी शांतपणे व्यवहार करावा. शक्यतो निरर्थक चर्चा किंवा वाद ह्यापासून दूर राहावे. कोर्ट- कचेरीच्या कामात फारसं यश मिळणार नाही. सामाजिक क्षेत्रात यश मिळणार नाही.
कन्या : आपल्या राशीपासून चंद्र सहाव्या स्थानी आहे. आज उत्साह आणि स्वास्थ्य उत्तम राहील. घरी आणि नोकरीच्या ठिकाणी वातावरण आनंदी राहील. सहकार्यांचे अपेक्षित सहकार्य मिळेल. आजारी व्यक्तींच्या प्रकृतीत सुधारणा होईल. स्त्रीयांना माहेरहून आनंददायी बातमी मिळेल. कार्यात यशस्वी व्हाल. अपेक्षेपेक्षा जास्त खर्च होईल.