मुंबई - Prince Narula Yuvika and Chaudhary :'बिग बॉस 9' चे लोकप्रिय कपल प्रिन्स नरुला आणि युविका चौधरी यांनी त्यांच्या चाहत्यांना खुशखबर दिली आहे. प्रिन्सची पत्नी युविका गरोदर असल्याची घोषणा त्यानं सोशल मीडियावर एका पोस्टद्वारे केली आहे. या आनंदाच्या बातमीनंतर या जोडप्यावर अनेकजण अभिनंदनाचा वर्षाव करत आहेत. गेल्या मंगळवारी 25 जून रोजी प्रिन्स नरुला आणि युविका चौधरी यांनी त्यांच्या अधिकृत इन्स्टाग्रामवर प्रेग्नन्सीची घोषणा केल्यानंतर ही बातमी झपाट्यानं सोशल मीडियावर पसरली. एका फोटोसह त्यांनी या पोस्टच्या कॅप्शनमध्ये लिहिलं होतं, "सर्वांना नमस्कार, मला माझ्या भावना कशा व्यक्त कराव्यात हे समजत नाही. कारण आम्ही खूप आनंदी आहोत, त्याचबरोबर मी नर्व्हसही आहे."
प्रिन्स नरुलानं केली घोषणा :यानंतर त्यानं पुढं लिहिलं, "देवाचा मी आभारी आहे आणि पालक बनण्यासाठी खूप उत्साही आहे, कारण प्रविका बाळ लवकरच येणार आहे. आता त्याच्यासाठी सर्व काही केलं जाईल. युविका चौधरी तू दुसऱ्या क्रमांकावर येशील. मी माझ्या आई- वडिलांसाठी देखील दुसऱ्या क्रमांकावर येईल. कारण जे आपल्या जीवनाचा केंद्रबिंदू असणार आहे, ते येणार आहे. ज्याच्यासाठी मी इतकं केलं, खूप मेहनत केली. मी जेव्हाही बाप झालो तेव्हा सर्व काही त्याच्यासाठी करेल, असं सर्व पालकांना वाटते. आपल्या आई-वडिलांनी आपल्याला मोठे केले आहे आणि चांगले व्यक्ती बनले. त्याचप्रमाणे आपणही आपल्या मुलांना चांगलं घडवण्याचा प्रयत्न करू. प्रत्येक क्षण खूप खास भावनांनी जगणं, रडणं आणि घरी आल्यावर त्याबद्दल बोलणं हे होणार आहे. देवाचे आभार मानतो, ज्यानं हा आनंद दिला."