എന്‍ഡോസൾഫാൻ പട്ടികയിൽ നിന്ന് പുറത്താക്കിയവരെ തിരിച്ചെടുക്കണം; അനിശ്ചിതകാല സമരവുമായി ദുരിത ബാധിതര്‍ - എന്‍ഡോസൾഫാൻ ദുരിത ബാധിതര്‍

കാസർകോട്: സൗജന്യ മരുന്ന് വിതരണം പുനസ്ഥാപിക്കുക, എന്‍ഡോസൾഫാൻ പട്ടികയിൽ നിന്ന് അകാരണമായി പുറത്താക്കിയവരെ തിരിച്ചെടുക്കുക തുടങ്ങിയ ആവശ്യങ്ങൾ ഉന്നയിച്ച്‌ കാഞ്ഞങ്ങാട് മിനി സിവിൽ സ്‌റ്റേഷന് മുന്നില്‍ അനിശ്ചിതകാല സമരം. എന്‍ഡോസൾഫാൻ ദുരിത ബാധിതരുടെ അനിശ്ചിതകാല സമരം തുടങ്ങി ഒരാഴ്ച്ച പിന്നിട്ടിട്ടും സർക്കാർ തിരിഞ്ഞു നോക്കിയിട്ടില്ല. ബജറ്റിൽ പ്രഖ്യാപിച്ച 17 കോടിയിൽ എന്‍ഡോസൾഫാൻ ദുരിത ബാധിതർക്ക് വലിയ പ്രതീക്ഷയില്ല. കഴിഞ്ഞ തവണയും 17 കോടി പ്രഖ്യാപിച്ചിരുന്നു, എന്നാൽ അത് എവിടെ ചെലവഴിച്ചെന്ന് സർക്കാർ പറയണമെന്ന് ദുരിത ബാധിതര്‍ ആവശ്യപ്പെടുന്നു. പരാതി പറയാൻ പോലും ഇടമില്ലെന്ന് ഇവർ പറയുന്നു. 2017 ഏ​പ്രി​ലിൽ ബ​ദി​യ​ടു​ക്ക, ബോ​വി​ക്കാ​നം, പെ​രി​യ, രാ​ജ​പു​രം, ചീ​മേ​നി പ്ര​ദേ​ശ​ങ്ങ​ളി​ൽ മെ​ഡി​ക്ക​ൽ ക്യാ​മ്പു​ക​ൾ ന​ട​ത്തി 1905 ദു​രി​ത​ ബാ​ധി​ത​രെ ക​ണ്ടെ​ത്തിയിരുന്നു. പു​ന​ര​ധി​വാ​സ സെല്ലി​ന്‍റെ ചു​മ​ത​ല​യു​ള്ള ഡെ​പ്യൂ​ട്ടി ക​ല​ക്‌ടർ 1905 ദു​രി​ത​ബാ​ധി​ത​രു​ടെ അ​ന്തി​മ ലി​സ്റ്റ് അ​വ​ത​രി​പ്പി​ക്കാ​ൻ ത​യാ​റാ​യെ​ങ്കി​ലും സ​ർ​ക്കാ​ർ ത​ട​ഞ്ഞു. പ​ട്ടി​ക 287 ആ​യി ചു​രു​ക്കി സെ​ല്ലി​ൽ അ​വ​ത​രി​പ്പി​ച്ചു. പ്രതി​ഷേ​ധ​ത്തെ തു​ട​ർ​ന്ന് 76 പേ​രെ കൂ​ട്ടി​ച്ചേ​ർ​ത്തു. 2019 ജ​നു​വ​രി 30 മു​ത​ൽ തി​രു​വ​ന​ന്ത​പു​രം സെ​ക്രട്ടേറി​യ​റ്റി​ന് മു​മ്പി​ൽ അ​മ്മ​മാ​ർ നടത്തിയ അനി​ശ്ചി​ത​കാ​ല പ​ട്ടി​ണി സ​മ​ര​ത്തെ തു​ട​ർ​ന്ന് 1905 പേരുടെ ലിസ്‌റ്റില്‍പ്പെട്ട 18 വ​യ​സി​ൽ താ​ഴെ​യു​ള്ള കുട്ടികളെ പ​രി​ശോ​ധ​ന​ക​ളൊ​ന്നും ന​ട​ത്താ​തെ ഉള്‍പ്പെ​ടു​ത്താ​നും, ബാ​ക്കി​യു​ള്ള​വ​രുടെ മെഡി​ക്ക​ൽ വി​വ​ര​ങ്ങ​ൾ പ​രി​ശോ​ധി​ച്ച് അ​ർ​ഹ​രെ ഉ​ൾ​പ്പെ​ടു​ത്താ​നും മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍റെ സാ​ന്നി​ധ്യ​ത്തി​ൽ തീ​രു​മാ​ന​മാ​യി. ഇ​തി​ന്‍റെ അ​ടി​സ്ഥാ​ന​ത്തി​ൽ 18 വ​യ​സി​ൽ താ​ഴെ​യു​ള്ള 511 കു​ട്ടി​ക​ളെ കൂ​ടി ലി​സ്‌റ്റി​ൽ ഉള്‍പെടുത്തി. എ​ന്നാ​ൽ, ബാ​ക്കി 1031 പേ​രു​ടെ കാ​ര്യ​ത്തി​ൽ ന​ട​പ​ടി​ക​ളു​ണ്ടാ​യി​ല്ല. ഇക്കാര്യത്തി​ൽ തീ​രു​മാ​ന​മെ​ടു​ക്ക​ണ​മെ​ന്ന് ആ​വ​ശ്യ​പ്പെ​ട്ടാ​ണ് സമരം. അവഗണന തുടർന്നാൽ കടുത്ത സമര മാർഗങ്ങളിലേക്ക് കടക്കാനാണ് ദുരിത ബാധിതരുടെ തീരുമാനം.