ഫോള്‍ഡബിള്‍ ഉള്‍പ്പടെ നാല് പുതിയ മോഡലുകള്‍; ഇന്ത്യൻ വിപണി പിടിക്കാൻ വരുന്നു ഗൂഗിള്‍ പിക്‌സല്‍ 9 സീരീസ് ഫോണുകള്‍ - GOOGLE PIXEL 9 SERIES LAUNCH

ഗൂഗിൾ പിക്‌സൽ 9 സീരീസിൽ പുതിയ മോഡലുകൾ ആഗോളതലത്തിൽ പുറത്തിറക്കാനൊരുങ്ങി ഗൂഗിൾ പിക്‌സൽ. ഓഗസ്റ്റ് 14നാണ് ഗൂഗിൾ പിക്‌സൽ 9 പ്രോ ഫോൾഡ്, ഗൂഗിൾ പിക്‌സൽ 9 പ്രോ, ഗൂഗിൾ പിക്‌സൽ 9 എന്നീ മോഡലുകൾ ആഗോളതലത്തിൽ ലോഞ്ച് ചെയ്യുന്നത്.

സ്‌മാർട്ട്‌ഫോണ്‍ പ്രേമികളുടെ കാത്തിരിപ്പിന്‌ വിരാമമിട്ട്‌ ഗൂഗിൾ പിക്‌സൽ 9 സീരീസ് വരുന്നു. ഓഗസ്റ്റ് 14നാണ് ആഗോളതലത്തിൽ ലോഞ്ചിങ് നടക്കുന്നത്. ഗൂഗിൾ പിക്‌സൽ 9 പ്രോ ഫോൾഡ്, ഗൂഗിൾ പിക്‌സൽ 9 പ്രോ, ഗൂഗിൾ പിക്‌സൽ 9 എന്നിവയാണ് ഗൂഗിൾ പിക്‌സൽ പുറത്തിറക്കുന്നതെന്നാണ് വിവരം. ഇതിൽ ഗൂഗിൾ പിക്‌സൽ 9 പ്രോ ഫോൾഡ്, ഗൂഗിൾ പിക്‌സൽ 9 പ്രോ എന്നിവയുടെ ഡിസൈനുകളാണ് ഗൂഗിൾ പിക്‌സൽ ഔദ്യോഗികമായി പുറത്തുവിട്ടത്. 9 സീരീസിന്‍റെ ലോഞ്ചിങ് ഇന്ത്യയിലും സ്ഥിരീകരിച്ചിട്ടുണ്ട്. പുതിയ സീരീസിന്‍റെ വിലയും മറ്റ് സവിശേഷതകളും പരിശോധിക്കാം.

ഗൂഗിൾ പിക്‌സൽ 9 പ്രോ ഫോൾഡ്

Google Pixel 9 pro fold (Google store)

• ട്രിപ്പിൾ ക്യാമറ (48 മെഗാപിക്‌സൽ പ്രൈമറി ക്യാമറ, 10.5 മെഗാപിക്‌സൽ അൾട്രാവൈഡ് ലെൻസ്, 10.8 മെഗാപിക്‌സൽ ടെലിഫോട്ടോ സെൻസർ, 10 മെഗാപിക്‌സൽ സെൽഫി ഷൂട്ടർ )
• 8 ഇഞ്ച് ഫോൾഡിങ് ഡിസ്‌പ്ലേ, 6.4 ഇഞ്ച് കവർ ഡിസ്‌പ്ലേ
• വില: ഏകദേശം 1,70,000 രൂപ

ഗൂഗിൾ പിക്‌സൽ 9 പ്രോ

Google Pixel 9 pro (Google store)

• ടെൻസർ ജി4 ചിപ്‌സെറ്റ്
• 4558mAh ബാറ്ററി
• 16 GB റാം
• വില: ഏകദേശം 1,00,000 രൂപ

ഗൂഗിൾ പിക്‌സൽ 9

• 6.3 ഇഞ്ച് ഡിസ്‌പ്ലേ
• 12 GB റാം
• ടെൻസർ ജി4 ചിപ്‌സെറ്റ്
• കറുപ്പ്, ലൈറ്റ് ഗ്രേ, പോർസലൈൻ, പിങ്ക് എന്നീ കളർ ഓപ്‌ഷനുകൾ
• വില: ഏകദേശം 80,000 രൂപ