മെഡിക്കൽ കോളജ് ആശുപത്രിയിൽ യുവാവിന് ക്രൂരമർദനം; പ്രതിക്കായുള്ള അന്വേഷണം ഊർജിതം - Young Man Was Brutally Beaten

തിരുവനന്തപുരം മെഡിക്കൽ കോളജ് ആശുപത്രിയിൽ യുവാവിന് ക്രൂരമർദനം. അതിക്രൂരമായി ചുറ്റികയും മരക്കഷ്‌ണവുമെല്ലാം കൊണ്ടാണ് അക്രമികൾ അനന്തുവിനെ മർദിച്ചത്.

തിരുവനന്തപുരം : മെഡിക്കൽ കോളജ് ആശുപത്രിയിൽ യുവാവിനെ ക്രൂരമായി മർദിച്ചു. വിളപ്പിൽശാല സ്വദേശി അനന്തുവിനാണ് മർദനമേറ്റത്. ഇന്നലെ (മെയ് 24) ഉച്ചയ്ക്കാണ് സംഭവം. നാളുകളായി വീട്ടിൽ നിന്നും അകന്ന് കഴിയുകയായിരുന്നു മർദനമേറ്റ അനന്തു. വീട് വീട്ടിറങ്ങിയ ശേഷം കോളജ് പരിസരത്ത് സൗജന്യ ഭക്ഷണം കഴിച്ച് വഴിയിൽ കിടന്ന് ഉറങ്ങുന്നതാണ് ഇയാളുടെ രീതിയെന്ന് മെഡിക്കൽ കോളജ് പൊലീസ് പറഞ്ഞു. സംഭവത്തിൽ മെഡിക്കൽ കോളജ് പൊലീസ് അന്വേഷണം ആരംഭിച്ചിട്ടുണ്ട്.

മധ്യവയസ്‌കനെ മുക്കിക്കൊല്ലാന്‍ ശ്രമിച്ച കേസ്; രണ്ട് ഗുണ്ടകൾ പിടിയില്‍ :തിരുവനന്തപുരത്ത് 65 കാരനെ വെള്ളത്തില്‍ മുക്കിക്കൊല്ലാന്‍ ശ്രമിച്ച കേസിൽ കുപ്രസിദ്ധ ഗുണ്ടകൾ പിടിയില്‍. കാപ്പിക്കാട് കൊണ്ണിയൂർ ഈന്തവിള വീട്ടിൽ അൻവർ എന്ന അമ്പിളി, കൊണ്ണിയൂർ എസ്എ മൻസിലിൽ സൈദലി എന്ന സെയ്യ എന്നിവരെയാണ് വിളപ്പിൽശാല പൊലീസ് മെയ് 24 നാണ് പിടികൂടിയത്.

മെയ്‌ 18 നു കൊണ്ണിയൂർ സ്വദേശിയായ വേണുവിനെ പാലത്തിൽ നിന്നും വെള്ളത്തിൽ തള്ളിയിട്ട് ദേഹോപദ്രവം ഏല്‍പ്പിച്ച ശേഷം വെള്ളത്തിൽ ചവിട്ടി താഴ്ത്തിയ സംഭവത്തിലെ പ്രതികളാണ് ഇരുവരും.

നെയ്യാർ വനമേഖലയിൽ ഒളിവിലായിരുന്ന പ്രതികളെ കാട്ടാക്കട ഡിവൈഎസ്‌പി ജയകുമാറിൻ്റെ നിർദ്ദേശപ്രകാരം വിളപ്പിൽശാല ഇൻസ്‌പെക്‌ടർ രാജേഷിൻ്റെ നേതൃത്വത്തിലുള്ള പൊലീസ് സംഘമാണ് അറസ്‌റ്റ് ചെയ്‌തത്. ഇവർ കാട്ടാക്കട, വിളപ്പിൽശാല, നെയ്യാർഡാം പൊലീസ് സ്‌റ്റേഷനുകളിൽ 10- ഓളം കേസുകളിലെ പ്രതികളാണ്.