തിരുവനന്തപുരം:സംസ്ഥാനത്ത് ജൂണ്‍ ഒന്ന് വരെ വ്യാപകമായി മഴ തുടരും. ഇന്ന് അഞ്ച് ജില്ലകളില്‍ കേന്ദ്ര കാലാവസ്ഥ നിരീക്ഷണ കേന്ദ്രം ഓറഞ്ച് അലര്‍ട്ട് പ്രഖ്യാപിച്ചു. നേരത്തെ, നാല് ജില്ലകള്‍ക്കായിരുന്നു ഓറഞ്ച് അലര്‍ട്ട് നിര്‍ദേശമുണ്ടായിരുന്നത്.
കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം ജില്ലകളിലാണ് ഓറഞ്ച് അലര്‍ട്ട് പ്രഖ്യാപിച്ചിട്ടുള്ളത്. തിരുവനന്തപുരം, ഇടുക്കി, തൃശൂര്‍ ജില്ലകളില്‍ യെല്ലോ അലര്‍ട്ട് നിര്‍ദേശം തുടരുകയാണ്. തെക്ക് പടിഞ്ഞാറന്‍ കാലവര്‍ഷം 4 ദിവസത്തിനകം സംസ്ഥാനത്ത് എത്താന്‍ സാധ്യതയുള്ളതായും കാലാവസ്ഥ നിരീക്ഷണ കേന്ദ്രം അറിയിക്കുന്നു.