എറണാകുളം: തൃശൂര് ലോക്സഭാ മണ്ഡലത്തിലെ തെരഞ്ഞെടുപ്പ് റദാക്കണമെന്ന് ആവശ്യപ്പെട്ടുള്ള ഹര്ജിയില് സുരേഷ് ഗോപിക്ക് ഹൈക്കോടതിയുടെ നോട്ടിസ്. മൂന്നാഴ്ചയ്ക്കകം മറുപടി നല്കാന് സുരേഷ് ഗോപിക്ക് ഹൈക്കോടതി നിര്ദേശം നൽകി. എഐവൈഎഫ് നേതാവ് എഎസ് ബിനോയ് നല്കിയ ഹര്ജി ഫയലില് സ്വീകരിച്ചാണ് കോടതി നടപടി.
വോട്ടെടുപ്പ് ദിനത്തില് മതചിഹ്നങ്ങള് ഉപയോഗിച്ച് വോട്ടര്മാരെ സ്വാധീനിച്ചു എന്നാണ് ഹർജിയിലെ ആക്ഷേപം. ശ്രീരാമ ഭഗവാന്റെ പേരില് വോട്ട് ചെയ്യണമെന്ന് എപി അബ്ദുള്ളക്കുട്ടി അഭ്യര്ഥിച്ചു, സുഹൃത്ത് വഴി വോട്ടര്മാര്ക്ക് സുരേഷ് ഗോപി പെന്ഷന് വാഗ്ദാനം ചെയ്തു, ബാങ്ക് അക്കൗണ്ടിലേക്ക് എംപി പെന്ഷന് തുക പെന്ഷന് ആയി കൈമാറിയെന്നും ഹർജിയിൽ ആക്ഷേപമുണ്ട്.