തിരുവനന്തപുരം:മെഡിക്കൽ കോളജിലെ ലിഫ്റ്റിൽ രോഗി കുടുങ്ങിയ സംഭവത്തിൽ മൂന്ന് ജീവനക്കാർക്ക് സസ്‌പെൻഷൻ. രണ്ട് ലിഫ്റ്റ് ഓപ്പറേറ്റര്‍മാര്‍, ഡ്യൂട്ടി സാര്‍ജന്‍റ് എന്നിവരെയാണ് അന്വേഷണ വിധേയമായി സസ്‌പെൻഡ് ചെയ്‌തതെന്ന് ആരോഗ്യ മന്ത്രി വീണ ജോർജിന്‍റെ ഓഫിസ് അറിയിച്ചു. തിരുമല സ്വദേശി പി രവീന്ദ്രൻ നായരാണ് രണ്ട് രാത്രിയും ഒരു പകലും ലിഫ്റ്റിൽ കുടുങ്ങിയത്.
നിയമസഭ താത്കാലിക ജീവനക്കാരനും തിരുവനന്തപുരത്തെ സിപിഐയുടെ തിരുമല ലോക്കൽ കമ്മിറ്റി സെക്രട്ടറിയുമാണ് സുരേന്ദ്രൻ. ഇദ്ദേഹം ലിഫ്റ്റിൽ കുടുങ്ങിയ സംഭവത്തിൽ രാവിലെ മന്ത്രി അന്വേഷണത്തിന് ഉത്തരവിട്ടിരുന്നു. പിന്നാലെ മെഡിക്കല്‍ വിദ്യാഭ്യാസ വകുപ്പ് ജോ. ഡയറക്‌ടർ, മെഡിക്കൽ കോളജ് പ്രിന്‍സിപ്പല്‍, സൂപ്രണ്ട് എന്നിവർ നൽകിയ റിപ്പോർട്ടിന്‍റെ അടിസ്ഥാനത്തിലാണ് നടപടി.