പള്ളിയില്‍ നിന്നിറങ്ങിയവരുടെ ഇടയിലേക്ക് കാര്‍ പാഞ്ഞുകയറി; മൂന്ന് പേര്‍ക്ക് പരിക്ക് - Car accident at Kollam

പള്ളിയിൽ ഇറങ്ങിയവര്‍ക്കിടയിലേക്ക് നിയന്ത്രണം വിട്ട കാര്‍ കയറുകയറി അപകടം. 3 വയസുള്ള കുഞ്ഞടക്കം മൂന്ന് പേര്‍ക്ക് പരിക്ക്.

കൊല്ലം:പള്ളിയിൽ നിന്ന് റോഡിലേക്ക് ഇറങ്ങിയവര്‍ക്കിടയിലേക്ക് കാർ പാഞ്ഞു കയറി മൂന്നു പേർക്ക് പരിക്കേറ്റു. കൊല്ലം കരവാളൂർ ബഥേൽ മാർത്തോമ്മ പള്ളിക്ക് മുന്നില്‍ ഇന്ന്(24-03-2024) രാവിലെയാണ് അപകടം നടന്നത്. കുരിയിലംമുകൾ മുതിരവിളയിൽ ഫിലിപ്പ് (57), പൊയ്‌കമുക്കിൽ ഷൈനി (36), ഷൈനിയുടെ 3 വയസുള്ള കുഞ്ഞ് എന്നിവർക്കാണ് പരിക്കേറ്റത്. ഇവരെ വിവിധ ആശുപത്രികളിൽ പ്രവേശിപ്പിച്ചു. പള്ളിയിലേക്ക് കടക്കാൻ ശ്രമിച്ച കാര്‍ നിയന്ത്രണം വിട്ട് ജനങ്ങൾക്കിടയിലേക്ക് ഇടിച്ച് കയറുകയായിരുന്നു.

പത്തനംതിട്ട : വിവാഹ നിശ്ചയത്തിനായി പോയ സംഘത്തിന്‍റെ കാര്‍ കടയിലേക്ക് ഇടിച്ച് കയറി 5 പേർക്ക് പരിക്ക്. എം.സി റോഡിൽ പന്തളം ചിത്ര ആശുപത്രിക്ക് സമീപം ഇന്ന് രാവിലെയാണ് അപകടമുണ്ടായത്. പുന്തലയിൽ നിന്നും അടൂർ മണ്ണടി ഭാഗത്തേക്ക് വിവാഹ നിശ്ചയത്തിനായി പോവുകയായിരുന്ന കാറാണ് അപകടത്തിൽ പെട്ടത്.

നിയന്ത്രണം വിട്ട കാര്‍ കടയിലേക്ക് ഇടിച്ചു കയറുകയായിരുന്നു. കാറില്‍ ഉണ്ടായിരുന്നവര്‍ക്കാണ് പരിക്കേറ്റത്. റോഡ് അരികിൽ പാർക്ക് ചെയ്‌ത ഒരു കാറിലും രണ്ട് സ്‌കൂട്ടറിലും ഒരു ബൈക്കിലും ഇടിച്ച ശേഷം കാർ സമീപത്തെ കടയിലേക്ക് ഇടിച്ചു കയറി തലകീഴായി മറിഞ്ഞു.

കാറോടിച്ചിരുന്ന ആലപ്പുഴ പുന്തല കല്ലേലിൽ വീട്ടിൽ, ശരത്ചന്ദ്രൻ (28), ബന്ധുക്കളും പുന്തല സ്വദേശികളുമായ മണ്ണിടയ്യത്തു വീട്ടിൽ രാജേന്ദ്രൻ (57), കല്ലേലിൽ വീട്ടിൽ വിക്രമൻ നായർ(64), തോപ്പിൽ വീട്ടിൽ സദാശിവൻ (70) രമ്യ ഭവനിൽ രാധാകൃഷ്‌ണൻ (62) എന്നിവർക്കാണ് പരിക്കേറ്റത്. ഇവരെ പന്തളത്തെ സ്വകാര്യ ആശുപത്രിയിൽ പ്രവേശിപ്പിച്ചു. അപകടത്തിന്‍റെ സി സി ടി വി ദൃശ്യങ്ങളും പുറത്ത് വന്നിട്ടുണ്ട്.