തിരുവനന്തപുരം: മുഖ്യമന്ത്രിയുടെ മകൾ വീണയുടെ കമ്പനിയായ എക്‌സാലോജിക്കിനും സിഎംആർഎല്ലിനുമെതിരായ സീരിയസ് ഫ്രോഡ് ഇൻവെസ്റ്റിഗേഷൻ ഓഫീസിന്‍റെ അന്വേഷണവുമായി ബന്ധപ്പെട്ട ചോദ്യങ്ങളിൽ നിന്ന് ഒഴിഞ്ഞുമാറി സിപിഎം സംസ്ഥാന സെക്രട്ടറി എം വി ഗോവിന്ദൻ. ഏതന്വേഷണവും വരട്ടേ, സിബിഐ ക്കാൾ വലുതല്ലല്ലോ എന്ന് പറഞ്ഞ അദ്ദേഹം കൂടുതൽ ചോദ്യങ്ങളോട് പ്രതികരിച്ചില്ല.
വയനാട്ടിലെ വന്യമൃഗ ശല്യത്തിനെതിരെ എൽഡിഎഫ് വയനാട് ജില്ലാ കമ്മിറ്റിയുടെ നേതൃത്വത്തിൽ ഫോറസ്റ്റ് ആസ്ഥാനത്ത് നടത്തിയ മാർച്ച്‌ ഉദ്ഘാടനം ചെയ്‌ത ശേഷം മാധ്യമങ്ങളോട് പ്രതികരിക്കുകയായിരുന്നു അദ്ദേഹം. പരിസ്ഥിതിയുടെ പേരിൽ പാവപ്പെട്ട മനുഷ്യർ ദുരിതം അനുഭവിക്കുകയാണ്. കേന്ദ്ര സർക്കാരിൻ്റെ സഹായത്തോടെ ഈ പ്രശ്‌നം പരിഹരിക്കാനാവൂ. വയനാട്ടിനായി ഒരു പ്രത്യേക പാക്കേജ് വേണം. കേന്ദ്രവും സംസ്ഥാനവും ഒരുമിച്ച് പദ്ധതി തയ്യാറാക്കണം.