കോഴിക്കോട്: താമരശ്ശേരിയിൽ രണ്ട് സ്ഥാപനങ്ങളിൽ മോഷണം. താമരശ്ശേരി താലൂക്ക് ആശുപത്രിക്ക് സമീപത്ത് പ്രവർത്തിക്കുന്ന ലാവണ്യ ഈ പ്ലാസ, മൈക്രോ ഹെൽത്ത് ലാബ് എന്നീ സ്ഥാപനങ്ങളിലാണ് ഇന്നലെ രാത്രി മോഷണം നടന്നത്. ലാവണ്യയുടെ മുൻഭാഗത്തെ ഗ്ലാസ് തകർത്താണ് മോഷ്‌ടാവ് അകത്ത് കയറിയത്.
കെട്ടിടത്തിന്‍റെ താഴെ നിലയിൽ ഗോഡൗണിന്‍റെ ഗേറ്റിന്‍റെ പൂട്ട് പൊളിച്ച് അകത്തു കടന്ന് ജനറേറ്റർ തുറക്കുകയും പാനൽ ബോഡിലെ ഫ്യൂസുകൾ ഊരുകയും ചെയ്‌ത ശേഷമാണ്
ഗ്ലാസ് തകർത്തത്. ഇതേ കെട്ടിടത്തിൽ പ്രവർത്തിക്കുന്ന മൈക്രോ ഹെൽത്ത് ലാബിന്‍റെ വാതിലിന്‍റെ പൂട്ട് തകർത്ത് അകത്തു കടന്നാണ് മോഷണം നടത്തിയത്.