Published : May 15, 2024, 3:14 PM IST
|Updated : May 15, 2024, 3:58 PM IST
കോഴിക്കോട്:പന്തീരാങ്കാവ് ഗാർഹിക പീഡന കേസിൽ പുതിയ അന്വേഷണ സംഘത്തെ രൂപീകരിച്ചു. ഫറോക്ക് എസിപി സാജു കെ എബ്രഹാമിന്‍റെ നേതൃത്വത്തിലുളള പുതിയ അന്വേഷണ സംഘത്തില്‍ ഏഴ് പേരാണ് ഉളളത്.
പന്തീരാങ്കാവ് പൊലീസിനെതിരെ പരാതിക്കാരിയുടെ കുടുംബം രംഗത്ത് വന്നതിന് പിന്നാലെയാണ് പുതിയ സംഘത്തെ രൂപീകരിച്ചത്. പരാതിക്കാരിയുടെ മൊഴി രേഖപ്പെടുത്താനായി അന്വേഷണ സംഘം അവരുടെ എറണാകുളത്തെ വീട്ടിലെത്തും.
കേസിലെ പ്രതി രാഹുൽ ഒളിവിലാണ്. ഇയാളുടെ രണ്ട് മൊബൈൽ ഫോണുകളും സ്വിച്ച്ഡ് ഓഫാണെന്നും പൊലീസ് പറഞ്ഞു. പ്രതി ജോലി ചെയ്യുന്നത് ജർമനിയില്‍ ആയതിനാല്‍ അങ്ങോട്ട് കടക്കാനുള്ള സാധ്യത മുന്നിൽക്കണ്ട് പൊലീസ് ലുക്കൗട്ട് നോട്ടീസ് ഇറക്കാന്‍ പദ്ധതിയിടുന്നുണ്ട്.
Also Read:'സ്‌ത്രീധനത്തെ ചൊല്ലിയല്ല, ഫോണിലെ മെസേജുമായി ബന്ധപ്പെട്ട്' ; രാഹുല്‍ ഭാര്യയെ മര്‍ദിച്ചത് സ്ഥിരീകരിച്ച് അമ്മ