കൊട്ടിക്കലാശം ആഘോഷമാക്കി കോട്ടയം പാർലമെന്‍റ് മണ്ഡലം
കോട്ടയം : ആവേശം വാനോളമുയർത്തി കൊട്ടിക്കലാശം ആഘോഷമാക്കി കോട്ടയം പാർലമെൻ്റ് മണ്ഡലം. ഇവിടുത്തെ പരസ്യ പ്രചാരണ പരിപാടികൾക്ക് ആഘോഷപൂർവമായ സമാപനം. ഉച്ചകഴിഞ്ഞ് 2 മണിക്കാണ് നഗര പരിസരത്തുനിന്ന് റോഡ് ഷോ ആരംഭിച്ചത്. മൂന്ന് മുന്നണികൾക്കും കൊട്ടിക്കലാശത്തിന് ഓരോ സ്ഥലങ്ങൾ നിർദേശിച്ചിരുന്നു.
ആദ്യം റോഡ് ഷോയുമായി എത്തിയത് BDJS സ്ഥാനാർഥി തുഷാർ വെള്ളാപ്പള്ളിയാണ്. തുഷാർ വെള്ളാപ്പള്ളിയുടെ പിറന്നാൾ ദിനവും കൂടിയായതിനാൽ തിരുനക്കര മൈതാനത്ത് കേക്ക് മുറി ആഘോഷവും നടന്നു. വർണ ബലൂണുകളും പ്ലക്കാര്‍ഡും ഏന്തി നൂറുകണക്കിന് പ്രവർത്തകർ റോഡ് ഷോയിൽ പങ്കെടുത്തു.