കോഴിക്കോട്: എംടി വാസുദേവൻ നായരുടെ വീട്ടിൽ നിന്നും 26 പവൻ സ്വർണം മോഷണം പോയതായി പരാതി. എംടിയുടെ ഭാര്യ സരസ്വതിയാണ് പരാതി നൽകിയത്. നടക്കാവ് കൊട്ടാരം റോഡിലെ വീട്ടിൽ നിന്നാണ് സ്വർണം കാണാതായത്. അലമാരയിൽ സൂക്ഷിച്ചിരുന്ന 26 പവൻ സ്വർണമാണ് നഷ്‌ടപ്പെട്ടത്. സ്വർണം ബാങ്ക് ലോക്കറിലാണെന്നാണ് ആദ്യം സംശയിച്ചിരുന്നത്. എന്നാൽ പരിശോധനയിൽ വീട്ടിലും ലോക്കറിലും ആഭരണങ്ങൾ ഇല്ലെന്ന് കണ്ടെത്തുകയായിരുന്നു.
എംടി വാസുദേവൻ നായരുടെ വീട്ടിൽ കവർച്ച (ETV Bharat)
മൂന്ന് മാല, വള, കമ്മൽ, ഡയമണ്ട് കമ്മലും ലോക്കറ്റും, മരതകം പതിച്ച ലോക്കറ്റ് എന്നിവ മോഷണം പോയതായാണ് പരാതി. സെപ്റ്റംബർ 22നും 30നും ഇടയിലാണ് മോഷണം നടന്നത് എന്നാണ് കരുതുന്നത്. പകൽ സമയത്താണ് മോഷണം നടന്നത് എന്നും സംശയിക്കുന്നുണ്ട്.