കോഴിക്കോട് :വിൽപ്പനക്കെത്തിച്ച കഞ്ചാവുമായി ഒഡിഷ സ്വദേശി എക്സൈസിന്റെ പിടിയിൽ. ഒഡിഷ ഗഞ്ചാം ജില്ലയിലെ ഇന്ധനാപൂർ സ്വദേശി വിക്രം നായിക് (32 )നെയാണ് ഫറോക്ക് എക്സൈസ് സംഘം പിടികൂടിയത്. ഇയാളിൽ നിന്ന് 820 ഗ്രാം കഞ്ചാവ് കണ്ടെടുത്തു.
കോഴിക്കോട് ഗുരുവായൂരപ്പൻ കോളജിനടുത്ത് മലബാർ ബോട്ടാണിക്കൽ ഗാർഡന്‍റെ സമീപത്തുവച്ചാണ് പ്രതി പിടിയിലായത്. രഹസ്യ വിവരത്തിന്‍റെ അടിസ്ഥാനത്തിലാണ് എക്സൈസ് സംഘം സ്ഥലത്ത് പരിശോധന നടത്തിയത്. ഈ ഭാഗത്തെ കോളജ് വിദ്യാർഥികൾക്കും മറ്റ് ലഹരി ഉപയോഗിക്കുന്നവർക്കും വിതരണം ചെയ്യുന്നതിന് എത്തിച്ചതായിരുന്നു കഞ്ചാവ്. നാട്ടിൽ പോയി വരുമ്പോൾ അവിടെ നിന്നും കൊണ്ടുവന്ന് കോഴിക്കോട്ടെത്തിച്ച് ചെറിയ പാക്കറ്റുകൾ ആക്കി വിൽപ്പന നടത്തുന്നതാണ് പ്രതിയുടെ രീതി.
ഇടിവി ഭാരത് കേരളം ഇനി വാട്‌സ്‌ആപ്പിലും