കെ സുധാകരനെ കുറ്റവിമുക്തനാക്കിയതിൽ പ്രതികരിച്ച് ഇ പി ജയരാജൻ (Source : ETV BHARAT REPORTER)
കണ്ണൂര്‍ : തനിക്കെതിരായ വധശ്രമക്കേസില്‍ കെ സുധാകരനെ കുറ്റവിമുക്തനാക്കിയതിനെതിരെ നിയമനടപടി തുടരുമെന്ന് ഇപി ജയരാജന്‍. പ്രതികൾക്ക് തന്നോട് നേരിട്ട് വിരോധമില്ല. പിണറായി വിജയനായിരുന്നു അവരുടെ ലക്ഷ്യം.
പ്രതികളെ വാടകയ്‌ക്കെടുത്ത് സുധാകരനും സംഘവും ആസൂത്രിതമായി ചെയ്‌ത സംഭവമായിരുന്നു അതെന്നും ഇപി ജയരാജൻ കണ്ണൂരിൽ പറഞ്ഞു. തങ്ങളുടെ ഭാഗം വ്യക്തമാക്കാൻ പ്രോസിക്യൂഷന് കഴിഞ്ഞോയെന്ന് പരിശോധിക്കണമെന്നും സുപ്രീം കോടതിയിൽ അപ്പീൽ ഫയൽ ചെയ്യാനുള്ള നടപടി സ്വീകരിക്കുമെന്നും അതിനായി സർക്കാരിനോടും ആവശ്യപ്പെടുമെന്നും അദ്ദേഹം കൂട്ടിച്ചേർത്തു.