ഡോ. വന്ദന ദാസ് കൊലക്കേസ്; വിചാരണ നടപടികള്‍ തടഞ്ഞ് ഹൈക്കോടതി - DOCTOR VANDANA DAS MURDER CASE

ഈ മാസം 18 വരെയാണ് കുറ്റപത്രം വായിക്കുന്നത് അടക്കമുള്ള നടപടികള്‍ ഹൈക്കോടതി തടഞ്ഞത്.

എറണാകുളം :കൊട്ടാരക്കര താലൂക്കാശുപത്രിയിൽ ഡ്യൂട്ടിയിലിരിക്കെ ഡോ. വന്ദന ദാസിനെ കൊലപ്പെടുത്തിയ കേസിൽ കീഴ്‌ക്കോടതിയിൽ കുറ്റപത്രം വായിച്ചു കേൾപ്പിക്കുന്നതടക്കമുള്ള വിചാരണ നടപടികള്‍ താത്‌കാലികമായി തടഞ്ഞ് ഹൈക്കോടതി. വിടുതൽ ഹർജി വിചാരണ കോടതി തള്ളിയതിനെതിരെ, പ്രതി സന്ദീപ് നൽകിയ അപ്പീലിലാണ് കോടതി നടപടി.

ഈ മാസം 18 വരെയാണ് കുറ്റപത്രം വായിക്കുന്നത് കോടതി തടഞ്ഞത്. കേസ് ഡയറി ഹാജരാക്കാനും സർക്കാരിന് കോടതി നിർദേശം നൽകി. കഴിഞ്ഞ വർഷം മെയിലാണ് ചികിത്സയ്ക്കായി പൊലീസ് ആശുപത്രിയിൽ എത്തിച്ച പ്രതി സന്ദീപ് വന്ദന ദാസിനെ കൊലപ്പെടുത്തിയത്.

കൃത്യമായ ഉദ്ദേശത്തോടെയും തയ്യാറെടുപ്പോടെയും കൂടിയാണ് പ്രതി വന്ദനയെ കൊലപ്പെടുത്തിയതെന്നായിരുന്നു പ്രോസിക്യൂഷൻ വാദം. കൊല്ലം നെടുമ്പന യു പി സ്‌കൂൾ അധ്യാപകനായിരുന്ന പ്രതി സന്ദീപിനെ ജോലിയിൽ നിന്നും പിരിച്ചുവിടുകയും ചെയ്‌തിരുന്നു.