സ്വർണത്തിന്‍റെ പേരിൽ തർക്കം ; അതിരപ്പിള്ളിയിൽ അമ്മയെ മകൾ വെട്ടിപ്പരിക്കേൽപ്പിച്ചു - Daughter Hacked Mother

പണയംവച്ച സ്വർണത്തിന്‍റെ പേരിൽ നടന്ന തർക്കത്തിൽ അമ്മയെ മകൾ വെട്ടി പരിക്കേൽപിച്ചു.

തൃശൂർ :സ്വർണത്തിന്‍റെ പേരിലുണ്ടായ തർക്കത്തിൽ അമ്മയെ മകൾ വെട്ടിപ്പരിക്കേൽപ്പിച്ചു. അതിരപ്പിള്ളി കണ്ണംകുഴിയിലാണ് സംഭവം. പാലക്കപറമ്പിൽ വീട്ടിൽ വെളുത്തായി പാറുകുട്ടിയെ (65)യാണ് മകൾ ബീന വെട്ടി പരിക്കേൽപ്പിച്ചത്.

വെട്ടേറ്റ പാറുക്കുട്ടിയുടെ കൈക്ക് സാരമായി പരിക്കെറ്റു. ഇന്നലെ ( ഓഗസ്റ്റ് 25 ഞായർ ) വൈകുന്നേരം ഏഴ് മണിയോടെയാണ് സംഭവം. സ്‌കൂട്ടർ വാങ്ങുന്നതിനായി അമ്മയുടെ മൂന്നര പവൻ സ്വർണം വാങ്ങി ബീന പണയം വെച്ചിരുന്നു.

ഇത് തിരികെ ചോദിച്ചതിലുള്ള തർക്കമാണ് വെട്ടിൽ കലാശിച്ചത്. അമ്മയും മകളും മുൻപും വാക്കേറ്റം ഉണ്ടാകാറുണ്ടെന്നാണ് സമീപവാസികൾ അറിയിച്ചത്.