മുഖ്യമന്ത്രിയുടെ വാഹനവ്യൂഹം കൂട്ടിയിടിച്ചു; അപകടത്തില്‍ പെട്ടത് അഞ്ച് വാഹനങ്ങള്‍- വീഡിയോ

തിരുവനന്തപുരം വാമനപുരത്താണ് അപകടം.

തിരുവനന്തപുരം: മുഖ്യമന്ത്രി പിണറായി വിജയന്‍റെ വാഹന വ്യൂഹം അപകടത്തിൽപ്പെട്ടു. ഇന്ന് വൈകിട്ട് 6:30 ഓടെ തിരുവനന്തപുരം വാമനപുരത്താണ് മുഖ്യമന്ത്രിയുടെ വാഹന വ്യൂഹം തമ്മിലിടിച്ചത്. ഒന്നിനുപിന്നാലെ ഒന്നായി 5 വാഹനങ്ങളാണ് ഇടിച്ചത്.

വാഹനത്തിന് മുന്നിലേക്ക് പെട്ടെന്ന് എത്തിയ ഇരുചക്ര വാഹന യാത്രക്കാരിയെ രക്ഷിക്കാൻ വേണ്ടി പൈലറ്റ് വാഹനം ബ്രേക്ക് ചവിട്ടിയപ്പോഴാണ് പിന്നാലെ എത്തിയ 5 വാഹനങ്ങൾ തമ്മിലിടിച്ചത്. മുഖ്യമന്ത്രി സഞ്ചരിച്ച വാഹനത്തിന് പിന്നിലും പൊലീസ് എസ്‌ക്കോട്ട് വാഹനം ഇടിച്ചു. അപകടത്തില്‍ ആർക്കും പരിക്കില്ല.

ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക

വാഹനം തിരുവനന്തപുരത്തേക്ക് വരുന്ന വഴിയാണ് അപകടമുണ്ടായത്. മുഖ്യമന്ത്രി സഞ്ചരിച്ച വാഹനം, കമാൻഡോ വാഹനം, പൊലീസ് എസ്‌ക്കോട്ട് വാഹനം, ആംബുലൻസ് വാഹനം എന്നിവയാണ് കൂട്ടിയിടിച്ചത്.

അപകടത്തിൽ മുഖ്യമന്ത്രി സഞ്ചരിച്ചിരുന്ന വാഹനത്തിന് വലിയ തകരാർ സംഭവിക്കാത്തതിനാൽ ഇതേ വാഹനത്തിൽ യാത്ര തുടർന്നു. മറ്റു എസ്‌ക്കോട്ട് വാഹനങ്ങൾ വാമനപുരത്ത് തന്നെ നിർത്തിയിട്ടിരിക്കുകയാണ്.