എറണാകുളം:നടൻ ബാല അറസ്റ്റിൽ. കടവന്ത്ര പൊലീസാണ് മുൻ ഭാര്യയുടെയും മകളുടെയും പരാതിയിൽ നടനെ അറസ്റ്റ് ചെയ്‌തത്. ഇന്ന് പുലർച്ചെ പാലാരിവട്ടത്തെ നടന്‍റെ ഫ്ലാറ്റിൽ നിന്നും കസ്‌റ്റഡിയിലെടുക്കുകയും അറസ്റ്റ് രേഖപ്പെടുത്തുകയുമായിരുന്നു.
ബാലയെ ഇന്ന് കോടതിയിൽ ഹാജരാക്കും. സ്ത്രീത്വത്തെ അപമാനിക്കൽ, ബാലാവകാശ നിയമത്തിലെ വകുപ്പുകൾ ഉൾപ്പടെയാണ് ബാലയ്‌ക്കെതിരെ ചുമത്തിയിരിക്കുന്നത്. മുൻ ഭാര്യയും മകളുമായി ബന്ധപെട്ട ചില പ്രതികരങ്ങൾ അടുത്തിടെ ബാല സമൂഹമാധ്യമത്തിലൂടെ നടത്തിയിരുന്നു.