പാരിസ്:പാരിസ് ഒളിമ്പിക്‌സ് ഷൂട്ടിങ് റേഞ്ചില്‍ ഇന്ത്യയ്‌ക്ക് വീണ്ടും നിരാശ. പുരുഷന്മാരുടെ 10 മീറ്റർ എയർ പിസ്റ്റളില്‍ സരബ്ജ്യോത് സിങ്, അർജുൻ ചീമയും പുറത്ത്. ഈ ഇനത്തില്‍ ഇന്ത്യയുടെ ഉറച്ച മെഡൽ പ്രതീക്ഷയായിരുന്ന താരമാണ് സരബ്ജ്യോത് സിങ്. മ്യൂണിച്ചിൽ നടന്ന ലോകകപ്പിൽ സ്വര്‍ണം നേടിയ താരമാണ് സരബ്ജ്യോത്.
മികച്ച തുടക്കം ലഭിച്ചിരുന്നെങ്കിലും ഒടുവില്‍ ഒമ്പതാം സ്ഥാനത്താണ് ഫിനിഷ് ചെയ്യാന്‍ കഴിഞ്ഞത്. മികച്ച 8 സ്ഥാനക്കാര്‍ക്കാണ് ഫൈനലിലേക്ക് യോഗ്യത ലഭിക്കുക. എട്ടാമതുള്ള ജര്‍മ്മന്‍ താരം റോബിൻ വാൾട്ടര്‍ക്ക് തുല്ല്യമായ 577 പോയിന്‍റാണ് സരബ്ജ്യോതും നേടിയത്. എന്നാല്‍ ഒരു ഇന്നർ ടെൻസിന്‍റെ (പെര്‍ഫക്‌ട് 10) അടിസ്ഥാനത്തില്‍ താരത്തിന് ഫൈനല്‍ യോഗ്യത നഷ്‌ടപ്പെട്ടു.