ഹൈദരാബാദ്:ബിഗ് ബോസ് തമിഴ് സീസൺ 8 വരാനിരിക്കെ ആരാകും അവതാരനായി എത്തുന്നതെന്നുളള ആകാംഷയിലാണ് ബിഗ്ബോസ് പ്രേമികൾ. ഷോയുടെ അവതാരകനായി ഇനി താനില്ലെന്ന കമൽഹാസൻ്റെ പ്രഖ്യാപനം ആരാധകർക്കിടയിൽ കടുത്ത നിരാശ പ്രകടിപ്പിച്ചിരുന്നു.
എന്നാൽ പുതിയ അവതാരകനായി ആരെത്തുമെന്ന ചോദ്യത്തിന് നടൻ സിലംബരസൻ എത്തിയേക്കുമെന്ന അഭ്യൂഹങ്ങൾ ഉണ്ടായിരുന്നു. എന്നാൽ ഇതിൻ്റെ സത്യാവസ്ഥ എന്താണെന്ന് മനസിലാക്കുന്നതിനായി നടൻ്റെ ടീമിനെ ഇടിവി ഭാരത് സമീപിച്ചു. വെറും കിംവദന്തികൾ മാത്രമാണെന്നും ബിഗ് ബോസിൻ്റെ അണിയറപ്രവർത്തകർ ഇതുവരെയും തങ്ങളെ സമീപിച്ചിട്ടില്ലെന്ന് സിമ്പുവിൻ്റെ മാനേജർ പറഞ്ഞു.