ചെന്നൈ: തമിഴ് സംവിധായകന്‍ സുരേഷ് സംഗയ്യ അന്തരിച്ചു. കരള്‍ സംബന്ധമായ അസുഖത്തെ തുടര്‍ന്നായിരുന്നു അന്ത്യം. വെള്ളിയാഴ്‌ച രാത്രി 11 മണിയോടെ ചെന്നൈ രാജീവ് ഗാന്ഘി ആശുപത്രിയില്‍ വെച്ചായിരുന്നു സുരേഷ് സംഗയ്യയുടെ അന്ത്യം. ഛായാഗ്രാഹകന്‍ ശരണ്‍ ആണ് മരണ വാര്‍ത്ത സ്ഥിരീകരിച്ചത്. ഭാര്യയും രണ്ടു കുട്ടികളുമുണ്ട്.
എം മണികണ്ഠന്‍ സംവിധാനം ചെയ്‌ത കാക്ക മൊട്ടൈയിലൂടെ സഹസംവിധായകനായാണ് സുരേഷ് സിനിമാ ജീവിതം ആരംഭിക്കുന്നത്.
2017ല്‍ പുറത്തിറങ്ങിയ ഒരു കിടയിന്‍ കരുണൈ മനു എന്ന ചിത്രത്തിലൂടെ സ്വതന്ത്ര സംവിധായകനായി. ചിത്രം മികച്ച നിരൂപക പ്രശംസ നേടിയതിനൊപ്പം ബോക്‌സ് ഓഫിസിലും വിജയമായി.