പ്രേക്ഷകരുടെ ഇഷ്‌ടതാരമാണ് കല്യാണി പ്രിയദര്‍ശന്‍. സംവിധായകന്‍ പ്രിയദര്‍ശന്‍റെയും ലിസിയുടെയും മകള്‍ എന്നതിനപ്പുറം സിനിമയില്‍ തന്‍റേതായ ഇടം കണ്ടെത്തിയ താരം. ഇപ്പോഴിതാ പ്രിയപ്പെട്ട നായയുടെ വിയോഗത്തില്‍ ഹൃദയം തൊടുന്ന കുറിപ്പ് പങ്കുവച്ചിരിക്കുകയാണ് കല്യാണി.
വളര്‍ത്തു നായയായ തിയോയുടെ മരണത്തെ കുറിച്ചാണ് സോഷ്യല്‍ മീഡിയയിലൂടെ താരം കുറിപ്പ് പങ്കുവച്ചത്. ആ മരണം തന്നെ തകര്‍ത്തുവെന്ന് കല്യാണി വെളിപ്പെടുത്തി. ഒപ്പം തിയോയോടൊപ്പമുള്ള ചിത്രങ്ങളും കല്യാണി പങ്കുവച്ചു.
കല്യാണിയുടെ കുറിപ്പിന്‍റെ പൂര്‍ണ രൂപം
"തിയോ അപ്രതീക്ഷിതമായി ഈ ആഴ്‌ച വിട പറഞ്ഞു. സത്യം പറഞ്ഞാല്‍ ഞാന്‍ അന്നു മുതല്‍ തകര്‍ന്നിരിക്കുകയാണ്. അവന്‍ ഏറ്റവും നല്ല ഹൃദയത്തിന് ഉടമയായിരുന്നു. ചെറിയ ശരീരത്തില്‍ വലിയവരുടെ ഊര്‍ജമായിരുന്നു. ഞങ്ങള്‍ അവനെ വീട്ടുടമ എന്നാണ് വിളിച്ചിരുന്നത്. കാരണം അത് അവന്‍റ വീടായിരുന്നു. ഞങ്ങള്‍ അവിടെ താമസക്കാരും. സ്‌റ്റുഡിയോയ്‌ക്ക് പുറത്ത് കാവല്‍ നായയായി ഇരിക്കാന്‍ അവര്‍ ഏറെ ഇഷ്‌ടപ്പെട്ടു. എന്നാല്‍ അവനെ കൊഞ്ചിക്കുന്നവരെയെല്ലാം അവന്‍ അകത്തേക്ക് കയറ്റി വിട്ടു. എല്ലാ വേനല്‍ക്കാലത്തും അവന്‍ മോശം ഹെയര്‍ക്കട്ടായിരുന്നു. കാരണം അവനെ വച്ച് എന്ത് ചെയ്യണണെന്ന് ഗ്രൂമേസിന് അറിയില്ലായിരുന്നു. അവനെ എടുത്ത് ഉമ്മവച്ച സമയത്ത് ഇത് അവസാനത്തേതാണ് എന്ന് അറിഞ്ഞിരുന്നെങ്കില്‍ ഞാന്‍ കൂടുതല്‍ ചുംബിക്കുകയും കുറച്ചു നേരം കൂടി കയ്യിലെടുക്കുകയും ചെയ്യുമായിരുന്നു. പക്ഷേ ജീവിതം അങ്ങനെയൊരു മുന്നറിയിപ്പ് തരില്ലല്ലോ അവനോട് സ്‌നേഹം കാണിച്ചവരോടെല്ലാം എന്‍റെ ഹൃദയത്തില്‍ നിന്ന് നന്ദി പറയുന്നു.