ന്യൂഡൽഹി: 2025 ലെ പത്മ അവാർഡുകൾക്കുള്ള നോമിനേഷനുകൾ ആരംഭിച്ചതായി ആഭ്യന്തര മന്ത്രാലയം. അപേക്ഷ സമർപ്പിക്കാനുള്ള അവസാന തീയതി സെപ്റ്റംബർ 15 ആണ്‌. പത്മ അവാർഡുകൾക്കുള്ള നോമിനേഷനുകളും ശുപാർശകളും രാഷ്‌ട്രീയ പുരസ്‌കാർ പോർട്ടലിൽ (https://awards.gov.in) ഓൺലൈനായി സ്വീകരിക്കും. അടുത്ത വർഷം റിപ്പബ്ലിക് ദിനത്തോടനുബന്ധിച്ചാകും അവാര്‍ഡുകൾ പ്രഖ്യാപിക്കുക.
പത്മവിഭൂഷൺ, പത്മഭൂഷൺ, പത്മശ്രീ തുടങ്ങിയ പത്മ പുരസ്‌കാരങ്ങൾ രാജ്യത്തെ പരമോന്നത സിവിലിയൻ പുരസ്‌കാരങ്ങളിൽ ഒന്നാണ്. 1954 ൽ സ്ഥാപിച്ച ഈ അവാർഡുകൾ എല്ലാ വർഷവും റിപ്പബ്ലിക് ദിനത്തോടനുബന്ധിച്ചാണ് പ്രഖ്യാപിക്കുന്നത്.
കല, സാഹിത്യം, വിദ്യാഭ്യാസം, സ്‌പോർട്‌സ്, മെഡിസിൻ, സോഷ്യൽ വർക്ക്, സയൻസ് ആൻഡ് എഞ്ചിനീയറിങ്, പബ്ലിക് അഫയേഴ്‌സ്, സിവിൽ തുടങ്ങിയ എല്ലാ മേഖലകളിലും മികച്ചതും അസാധാരണവുമായ നേട്ടങ്ങൾ അല്ലെങ്കില്‍ സേവനം കാഴ്‌ചവെച്ചവര്‍ക്കാണ്‌ അവാർഡ് നൽകുന്നത്.