ജയ്‌പൂർ: അജ്‌മീർ ഹൈവേയില്‍ പെട്രോൾ പമ്പിന് സമീപം സിഎൻജി വാഹനം ഇടിച്ചുണ്ടായ അപകടത്തെ തുടര്‍ന്ന് വന്‍ തീപിടിത്തം. അപകടത്തില്‍ അഞ്ച് പേർ വെന്തു മരിച്ചു. 37 പേര്‍ക്ക് പരിക്കേറ്റു. അപകടത്തിന് പിന്നാലെയുണ്ടായ തീപിടിത്തത്തില്‍ ട്രക്കുകളും ട്രോളികളും ഉൾപ്പെടെ 40 ഓളം വാഹനങ്ങൾ കത്തിനശിച്ചു. മരണ സംഖ്യ ഇനിയും ഉയരാൻ സാധ്യതയുണ്ടെന്ന് അധികൃതർ അറിയിക്കുന്നു
ഇന്ന് (20-12-2024) പുലർച്ചെ ജയ്‌പൂരിലെ ഭാൻക്രോട്ട മേഖലയിലാണ് അപകടമുണ്ടായത്. പെട്രോൾ പമ്പിന് സമീപമുണ്ടായിരുന്ന സിഎന്‍ജി വാഹനം നിരവധി വാഹനങ്ങളില്‍ ഇടിക്കുകയായിരുന്നു. തുടര്‍ന്ന് പമ്പിലേക്കും തീ പടര്‍ന്നു.
അജ്‌മീര്‍-ജയ്‌പൂര്‍ ഹൈവേയിലുണ്ടായ അപകടത്തിന് പിന്നാലെയുണ്ടായ തീപിടിത്തം (ETV Bharat)