ന്യൂഡൽഹി: 2020 ജനുവരി 23 നകം 15,019 കോടി രൂപ കുടിശ്ശിക നൽകണമെന്ന് ഗുജറാത്ത് നർമദ വാലി ഫെർട്ടിലൈസേഴ്‌സ് ആൻഡ് കെമിക്കൽസിന് (ജിഎൻവിഎഫ്സി) ടെലികോം വകുപ്പ് നോട്ടീസ് അയച്ചു.
കമ്പനിയുടെ കൈവശമുള്ള വിഎസ്എറ്റി, ഐ‌എസ്‌പി ലൈസൻസുകളുമായി ബന്ധപ്പെട്ട് 2005-06 മുതൽ 2018-19 വരെയുള്ള സാമ്പത്തിക വർഷങ്ങളിലെ കുടിശികയാണ് അടക്കേണ്ടത്. കുടിശികയിൽ പലിശ തുകയും ഉൾപ്പെടുന്നു. ഇത് സംബന്ധിച്ച നടപടികൾ തീരുമാനിക്കുന്നതിന് വിഷയത്തിൽ വിദഗ്ദ്ധ നിയമോപദേശം തേടുമെന്ന് കമ്പനി അറിയിച്ചു.