ನ್ಯೂ- ಇಯರ್​ ​ಆಫರ್​ ಘೋಷಿಸಿದ ಜಿಯೋ - ಇದು ಕೇವಲ 200 ದಿನಗಳಿಗೆ ಮಾತ್ರವೇ ಲಭ್ಯ

Reliance Jio Welcome Plan: ಜನಪ್ರಿಯ ನೆಟ್​ವರ್ಕ್​ ಕಂಪನಿಯಾದ ಜಿಯೋ ತನ್ನ ಗ್ರಾಹಕರಿಗೆ ವೆಲ್​ಕಮ್​ ಪ್ಲಾನ್​ ಘೋಷಿಸಿದೆ. ಇದು ಹೆಚ್ಚಿನ ಲಾಭಗಳನ್ನ ಗ್ರಾಹಕರಿಗೆ ನೀಡುತ್ತಿದೆ. ಇದರ ಪ್ರಯೋಜನೆಗಳ ಮಾಹಿತಿ ಇಲ್ಲಿದೆ.

Reliance Jio Welcome Plan: ಜಿಯೋ ಬಳಕೆದಾರರಿಗೆ ಸಂತಸದ ಸುದ್ದಿ. ಪ್ರಮುಖ ಟೆಲಿಕಾಂ ಕಂಪನಿ ರಿಲಯನ್ಸ್ ಜಿಯೋ ಹೊಸ ವರ್ಷದ ಉಡುಗೊರೆಯಾಗಿ ಹೊಸ ರೀಚಾರ್ಜ್ ಯೋಜನೆಯೊಂದನ್ನು ಜಾರಿಗೆ ತಂದಿದೆ. ಈ ರೀಚಾರ್ಜ್ ಯೋಜನೆ ವೆಚ್ಚಕಿಂತ ಹೆಚ್ಚಿನ ಪ್ರಯೋಜನಗಳು ನೀಡುತ್ತಿವೆ. ಇದರ ಸಂಪೂರ್ಣ ಮಾಹಿತಿ ಇಲ್ಲಿದೆ.

ನ್ಯೂ ಇಯರ್ ವೆಲ್‌ಕಮ್ ಆಫರ್ ಪ್ಲಾನ್:ಜಿಯೋ ಪ್ರತಿ ವರ್ಷ ಹೊಸ ವರ್ಷದ ಮುಂದು ಬಳಕೆದಾರರಿಗೆ ವೆಲ್​ಕಮ್​ ಪ್ಲಾನ್​ ಪರಿಚಯಿಸುತ್ತದೆ. ಈ ಹೊಸ ವರ್ಷವನ್ನು ಆಚರಿಸಲು, ಈ ವರ್ಷವೂ 'ನ್ಯೂ ಇಯರ್​ ವೆಲ್​ಕಮ್​ ಆಫರ್​ ಪ್ಲಾನ್​ 2025' ಅನ್ನು ಘೋಷಿಸಿದೆ. ಈ ಯೋಜನೆಯು ಅನಿಯಮಿತ 5G ಇಂಟರ್ನೆಟ್, ಅನಿಯಮಿತ ಧ್ವನಿ ಕರೆಗಳು ಮತ್ತು ಸಂದೇಶಗಳು, ಶಾಪಿಂಗ್ ಪ್ರಯೋಜನಗಳೊಂದಿಗೆ ಲಭ್ಯವಿದೆ. ಈ ರೀಚಾರ್ಜ್ ಯೋಜನೆಯನ್ನು ಹೊಂದಿರುವವರಿಗೆ 2,150 ರೂಪಾಯಿ ಮೌಲ್ಯದ ಶಾಪಿಂಗ್ ವೋಚರ್ ಮತ್ತು ಕೂಪನ್‌ಗಳನ್ನು ನೀಡಲಾಗುತ್ತಿದೆ. ಈ ಜಿಯೋ ಹೊಸ ವರ್ಷದ ಸ್ವಾಗತ ಯೋಜನೆಯ ಬೆಲೆ ಕೇವಲ ರೂ.2025 ಆಗಿದೆ.

ರೀಚಾರ್ಜ್ ಪ್ರಯೋಜನಗಳು:

• ಬಳಕೆದಾರರು 2025 ರೂ ಮೌಲ್ಯದ ಈ ರೀಚಾರ್ಜ್ ಯೋಜನೆಯನ್ನು ಖರೀದಿಸಿದರೆ ಅವರು 200 ದಿನಗಳ ಮಾನ್ಯತೆ, ಅನಿಯಮಿತ 5G ಇಂಟರ್ನೆಟ್ ಮತ್ತು ಅನಿಯಮಿತ ಕರೆಗಳ ಸೌಲಭ್ಯವನ್ನು ಪಡೆದುಕೊಳ್ಳಬಹುದು.
• ಆದರೆ 4G ಸಂಪರ್ಕವು ದಿನಕ್ಕೆ 2.5GB ಯಲ್ಲಿ 500GB ಡೇಟಾ ನೀಡಲಾಗುತ್ತದೆ. ಇದಲ್ಲದೇ ನೀವು ದಿನಕ್ಕೆ 100 SMS ಪಡೆಯಬಹುದು.

• ಈ ಪ್ಲಾನ್​ನಿಂದ ಹಣ ಉಳಿಯುವುದೆಷ್ಟು?
• ಮೇಲೆ ತಿಳಿಸಿದ ಅದೇ ಪ್ಲಾನ್​ನೊಂದಿಗೆ ಬರುವ ಜಿಯೋ ಮಾಸಿಕ ಯೋಜನೆಗೆ ಹೋಲಿಸಿದರೆ ಈ 'ನ್ಯೂ ಇಯರ್​ ವೆಲ್​ಕಮ್​ ಪ್ಲಾನ್​' ಮೂಲಕ ನೀವು ರೂ.468 ಉಳಿಸಬಹುದು ಎಂದು ಕಂಪನಿ ಹೇಳುತ್ತದೆ.
• ಪ್ರಸ್ತುತ ಜಿಯೋದ ರೂ.349 ಮಾಸಿಕ ಯೋಜನೆಯೊಂದಿಗೆ ಅದೇ ಪ್ರಯೋಜನಗಳು ಲಭ್ಯವಿದೆ. ಆದರೆ ಈ ಯೋಜನೆಯನ್ನು 200 ದಿನಗಳ ಲೆಕ್ಕ ಹಾಕಿದರೆ ಇದರ ಮೌಲ್ಯ ರೂ.2,493 ಆಗಲಿದೆ.

ಇತರ ಪ್ರಯೋಜನಗಳು:

• ಡೇಟಾ ಮತ್ತು ವಾಯ್ಸ್​ ಕರೆಯ ಪ್ರಯೋಜನಗಳ ಜೊತೆಗೆ, ಈ 'ನ್ಯೂ ಇಯರ್​ ವೆಲ್​ಕಮ್​ ಪ್ಲಾನ್' ಮೂಲಕ ಜಿಯೋ ಶಾಪಿಂಗ್ ವೋಚರ್‌ಗಳು ಮತ್ತು ಕೂಪನ್‌ಗಳನ್ನು ನೀಡುತ್ತದೆ. ಈ ಪ್ಯಾಕ್ ಖರೀದಿಸುವವರಿಗೆ ರೂ.2150 ಮೌಲ್ಯದ ಕೂಪನ್ ನೀಡಲಾಗುತ್ತಿದೆ.
• ಈ ರೀಚಾರ್ಜ್ ಯೋಜನೆಯ ಬಳಕೆದಾರರು Ajio ಅಪ್ಲಿಕೇಶನ್‌ನಲ್ಲಿ ರೂ.2,500 ಅಥವಾ ಅದಕ್ಕಿಂತ ಹೆಚ್ಚಿನ ಬೆಲೆಗೆ ಶಾಪಿಂಗ್ ಮಾಡಿದರೆ ರೂ.500 ರಿಯಾಯಿತಿ ಕೂಪನ್ ಪಡೆಯುತ್ತಾರೆ.
• ಇದಲ್ಲದೇ ಸ್ವಿಗ್ಗಿ ಫುಡ್ ಡೆಲಿವರಿ ಆಪ್ ಕನಿಷ್ಠ 499 ರೂ ಮೌಲ್ಯದ ಆರ್ಡರ್‌ಗಳ ಮೇಲೆ 150 ರೂಗಳ ರಿಯಾಯಿತಿ ವೋಚರ್ ಸಹ ನೀಡುತ್ತದೆ.
• ಅಲ್ಲದೇ, Easemytrip.com ಮೊಬೈಲ್ ಅಪ್ಲಿಕೇಶನ್ ಮತ್ತು ವೆಬ್‌ಸೈಟ್‌ನಲ್ಲಿ ಮಾಡಿದ ವಿಮಾನ ಟಿಕೆಟ್‌ಗಳ ಬುಕಿಂಗ್‌ನಲ್ಲಿ ನೀವು ರೂ.1500 ರಿಯಾಯಿತಿಯನ್ನು ಪಡೆಯಬಹುದು.
• 'ನ್ಯೂ ಇಯರ್​ ವೆಲ್​ಕಮ್​ ಪ್ಲಾನ್' ರೀಚಾರ್ಜ್ ಮಾಡಿದ ಆಂಡ್ರಾಯ್ಡ್ ಮತ್ತು ಐಒಎಸ್ ಬಳಕೆದಾರರಿಗೆ ಈ ಕೂಪನ್‌ಗಳು ಲಭ್ಯವಿರುತ್ತವೆ ಎಂದು ಜಿಯೋ ಹೇಳಿದೆ.

ಈ ಯೋಜನೆ ಯಾವಾಗ ಲಭ್ಯ?:

• ಈ ರೀಚಾರ್ಜ್ ಯೋಜನೆಯು ಡಿಸೆಂಬರ್ 11, 2025 ರಿಂದ ಲಭ್ಯವಿದೆ.
• ಆದರೆ ಈ ಆಫರ್ ಸೀಮಿತ ಅವಧಿಗೆ ಮಾತ್ರ.
• ಜಿಯೋದ ಹೊಸ 'ನ್ಯೂ ಇಯರ್​ ವೆಲ್​ಕಮ್​ ಪ್ಲಾನ್' ಜನವರಿ 11 ರವರೆಗೆ ಮಾತ್ರ ಲಭ್ಯವಿರುತ್ತದೆ ಎಂದು ಕಂಪನಿ ತಿಳಿಸಿದೆ.

ಓದಿ:ಕೊನೆಗೂ ಬಂತು ಆಪಲ್ ಐಒಎಸ್​ 18.2 ಅಪ್​ಡೇಟ್​ - ಏನುಂಟು, ಏನಿಲ್ಲ ಎಂಬುದನ್ನು ನೀವೇ ನೋಡಿ