Bajaj Pulsar RS200:ದೇಶದ ಅತಿದೊಡ್ಡ ದ್ವಿಚಕ್ರ ವಾಹನ ಕಂಪನಿ ಬಜಾಜ್ ಆಟೋ ತನ್ನ ಹೊಸ ಪಲ್ಸರ್ ಆರ್ಎಸ್ 200 ಅನ್ನು ದೇಶಿಯ ಮಾರುಕಟ್ಟೆ ಬಿಡುಗಡೆ ಮಾಡಿದೆ. ಈ ಬೈಕ್ ಮೂಲಕ ಕಂಪನಿಯು ಯುವಕರನ್ನು ತನ್ನತ್ತ ಸೆಳೆಯುತ್ತಿದೆ. ಹೊಸ ಪಲ್ಸರ್ RS200 ವಿನ್ಯಾಸವು ಸಂಪೂರ್ಣವಾಗಿ ಸ್ಪೋರ್ಟಿಯಾಗಿದೆ.
ಕಂಪನಿಯು ಈ ಬೈಕ್‌ನಲ್ಲಿ ಹೊಸ ಫೀಚರ್ಗಳ ಜೊತೆ ಡಿಸೈನ್ ಅಪ್ಡೇಟ್ ಮಾಡಿದೆ. ಇದರ ಲುಕ್ಗೆ ಯವಕರು ಫಿದಾ ಆಗಲಿದ್ದಾರೆ ಎಂದು ಕಂಪನಿ ಹೇಳಿಕೊಂಡಿದೆ. ನೀವು ಈ ಬೈಕನ್ನು ಗ್ಲಾಸಿ ರೇಸಿಂಗ್ ರೆಡ್, ಪರ್ಲ್ ಮೆಟಾಲಿಕ್ ವೈಟ್ ಮತ್ತು ಆ್ಯಕ್ಟಿವ್ ಸ್ಯಾಟಿನ್ ಬ್ಲ್ಯಾಕ್ ಸೇರಿದಂತೆ 3 ಬಣ್ಣಗಳಲ್ಲಿ ಖರೀದಿಸಬಹುದು. ಈ ಬೈಕ್ನ ಎಕ್ಸ್ ಶೋ ರೂಂ ಬೆಲೆ 1,84,115 ರೂ.ಗಳಾಗಿದೆ.
ಇಂಜಿನ್ ಮತ್ತು ಪವರ್:ನ್ಯೂ ಬಜಾಜ್ ಪಲ್ಸರ್ RS200 200cc, ಫ್ಯೂಯಲ್-ಇಂಜೆಕ್ಟೆಡ್, ಸಿಂಗಲ್-ಸ್ಪಾರ್ಕ್, 4-ವಾಲ್ವ್ 199.5cc ಎಂಜಿನ್ನಿಂದ ನಿಯಂತ್ರಿಸಲ್ಪಡುತ್ತದೆ. ಇದು 24.5 PS ಪವರ್ ಮತ್ತು 18.7 Nm ಟಾರ್ಕ್ ಉತ್ಪಾದಿಸುತ್ತದೆ.
ಎಂಜಿನ್ 5 ಸ್ಪೀಡ್ ಗೇರ್‌ಬಾಕ್ಸ್‌ನೊಂದಿಗೆ ಸಿದ್ಧಗೊಂಡಿದೆ. ಇದು ತನ್ನ ವಿಭಾಗದಲ್ಲಿನ ಅತ್ಯುತ್ತಮ ಎಂಜಿನ್ ಎಂದು ನಂಬಲಾಗಿದೆ. ಈ ಎಂಜಿನ್ ಎಲ್ಲಾ ಹವಾಮಾನದಲ್ಲೂ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತದೆ. ಶಕ್ತಿ ಮತ್ತು ಕಾರ್ಯಕ್ಷಮತೆಯ ವಿಷಯದಲ್ಲಿ ಇದು ಅತ್ಯಂತ ಪವರ್ಫುಲ್ ಎಂಜಿನ್ ಆಗಿದೆ. ಉತ್ತಮ ಕಾರ್ಯಕ್ಷಮತೆಯನ್ನು ನಿರೀಕ್ಷಿಸುವ ಜನರಿಗೆ ಈ ಬೈಕ್ ಇಷ್ಟವಾಗಬಹುದು.
ಡಿಸೈನ್ ಮತ್ತು ಫೀಚರ್ಸ್: ಹೊಸ ಬಜಾಜ್ ಪಲ್ಸರ್ RS200 ಡಿಸೈನ್ ವಿಷಯದಲ್ಲಿ ಸಾಕಷ್ಟು ಬೋಲ್ಡ್ ಆಗಿ ಕಾಣುತ್ತದೆ. ಇದು ಶಾರ್ಪ್ ಆ್ಯಂಡ್ ಅಗ್ರೆಸಿವ್ ಆಗಿ ಕಾಣುತ್ತದೆ. ಇದು ಸ್ಕಲ್ಪ್ಟೇಡ್ ಫೇರಿಂಗ್, ಬೋಲ್ಡ್ ಫ್ರಂಟ್ ಪ್ರೊಫೈಲ್, ನ್ಯೂ LED ಟೈಲ್ ಲ್ಯಾಂಪ್‌ಗಳು ಮತ್ತು ಬೋಲ್ಡ್ ನೇಕೆಡ್ ರಿಯರ್ ಸೆಕ್ಷನ್ ಕೊಡಲಾಗಿದೆ.
ಈ ಬೈಕ್ ನ್ಯೂ ವಿಡ್ತ್ ಟೈರ್‌ಗಳನ್ನು (140/70-17 ಹಿಂಭಾಗ ಮತ್ತು 110/70-17 ಮುಂಭಾಗ) ಮತ್ತು ಕಸ್ಟಮೈಸಬಲ್ ರೈಡ್ ಮೋಡ್‌ಗಳನ್ನು (ರಸ್ತೆ, ಮಳೆ ಮತ್ತು ಆಫ್‌ರೋಡ್) ಸಿಗುತ್ತದೆ. ಈ ಟೈರ್‌ಗಳು ಎಲ್ಲಾ ರೀತಿಯ ರಸ್ತೆಗಳಲ್ಲಿ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತವೆ. ಉತ್ತಮ ಸುರಕ್ಷತೆಗಾಗಿ ಬೈಕ್‌ಗೆ ಡಿಸ್ಕ್ ಬ್ರೇಕ್‌ಗಳ ಜೊತೆಗೆ ಡ್ಯುಯಲ್-ಚಾನೆಲ್ ಆಂಟಿ-ಲಾಕ್ ಬ್ರೇಕಿಂಗ್ ಸಿಸ್ಟಮ್ ಅನ್ನು ಒದಗಿಸಲಾಗಿದೆ.
ಈ ಬೈಕ್ ಎಲ್‌ಸಿಡಿ ಡಿಸ್‌ಪ್ಲೇ ಹೊಂದಿದ್ದು, ಬ್ಲೂಟೂತ್-ಎನೆಬಲ್, ಟರ್ನ್-ಬೈ-ಟರ್ನ್ ನ್ಯಾವಿಗೇಷನ್, ಕಾಲ್ ಆ್ಯಂಡ್ ಎಸ್‌ಎಂಎಸ್ ಅಲರ್ಟ್, ಗೇರ್ ಇಂಡಿಕೇಶನ್ನಂತಹ ವೈಶಿಷ್ಟ್ಯಗಳನ್ನು ಹೊಂದಿದೆ. ಇದಲ್ಲದೆ, ಬೈಕ್‌ನಲ್ಲಿ ಅಡ್ವಾನ್ಸ್ಡ್ LED ಪ್ರೊಜೆಕ್ಟರ್ ಹೆಡ್‌ಲ್ಯಾಂಪ್ ಮತ್ತು ಡೇ-ಟೈಂ LED ವೈಶಿಷ್ಟ್ಯಗಳನ್ನು ಒದಗಿಸಲಾಗಿದೆ.
ಈ ಬೈಕ್‌ನಲ್ಲಿ ಇಂಟಿಗ್ರೇಟೆಡ್ ರಿಯರ್ ಟೈಲ್ ಲ್ಯಾಂಪ್‌ಗಳನ್ನು ಒದಗಿಸಲಾಗಿದೆ. ಈ ಬೈಕ್ ಅಸಿಸ್ಟ್ ಮತ್ತು ಸ್ಲಿಪ್ಪರ್ ಕ್ಲಚ್‌ನೊಂದಿಗೆ ಬರುತ್ತದೆ. ಇದು ಸುಗಮ ಗೇರ್ ಶಿಫ್ಟ್‌ಗಳು ಮತ್ತು ಉತ್ತಮ ನಿಯಂತ್ರಣವನ್ನು ಒದಗಿಸುತ್ತದೆ. ಅಷ್ಟೇ ಅಲ್ಲ ಈ ಬೈಕ್ ಡೈನಾಮಿಕ್ ರೈಡಿಂಗ್ ಅನುಭವವನ್ನು ಹೆಚ್ಚಿಸುತ್ತದೆ. ಈಗ ಈ ಬೈಕ್ ಹೆಚ್ಚು ಸುರಕ್ಷಿತವಾಗಿದೆ.
ಹೊಸ ಪಲ್ಸರ್ ಆರ್ಎಸ್200 ಬಿಡುಗಡೆ ಸಮಾರಂಭದಲ್ಲಿ ಮಾತನಾಡಿದ ಬಜಾಜ್ ಆಟೋ ಲಿಮಿಟೆಡ್‌ನ ಮಾರ್ಕೆಟಿಂಗ್ ಅಧ್ಯಕ್ಷ ಸುಮೀತ್ ನಾರಂಗ್, “ಪಲ್ಸರ್ ರೇಂಜ್ ಯಾವಾಗಲೂ ಸಾಹಸ ಮತ್ತು ಸೂಕ್ಷ್ಮತೆಯ ಸಾರಾಂಶವಾಗಿದೆ. ಭಾರತದಲ್ಲಿ ಬೈಕಿಂಗ್ ಕ್ರಾಂತಿಯನ್ನು ಹುಟ್ಟುಹಾಕಿದ ಮೋಟಾರ್‌ಸೈಕಲ್‌ಗಳಂತೆ ಇದನ್ನು ಪ್ರೀತಿಸಲಾಗುತ್ತದೆ.
ಹೊಸ ಪಲ್ಸರ್ RS200 ನಲ್ಲಿ ಹಲವು ಅಡ್ವಾನ್ಸ್ಡ್ ಫೀಚರ್ಗಳು ಕಂಡುಬರುತ್ತವೆ. ಈಗ ಈ ಬೈಕ್ ಮೊದಲಿಗಿಂತ ಉತ್ತಮವಾಗಿದೆ. ಇದರ ಹೊರತಾಗಿ ಇತ್ತೀಚಿನ ತಂತ್ರಜ್ಞಾನದೊಂದಿಗೆ ಸ್ಪೋರ್ಟಿ ಗ್ರಾಫಿಕ್ಸ್, ಫ್ಲೋಟಿಂಗ್ ಪ್ಯಾನಲ್ ಮತ್ತು ಏರೋಡೈನಾಮಿಕ್ ಫುಲ್-ಫೇರ್ಡ್ ಸ್ಟೈಲಿಂಗ್ ಅನ್ನು ಸಹ ಸೇರಿಸಲಾಗಿದೆ. ಇದರಿಂದಾಗಿ ಇದು ಯುವಕರಿಗೆ ತುಂಬಾ ಇಷ್ಟವಾಗಲಿದೆ.
ಇದನ್ನೂ ಓದಿ:ದೂರವಿದ್ದರೂ ಹತ್ತಿರದಂತೆ ಕಾಣುವ ಆ ಚಂದಮಾಮನ ತಾಪಮಾನದ ಗುಟ್ಟೇನು?
