ಆಂಪಿಯರ್ ಮ್ಯಾಗ್ನಸ್ ನಿಯೋ ಎಲೆಕ್ಟ್ರಿಕ್ ಸ್ಕೂಟರ್ ಲಾಂಚ್​, ರೇಟ್​ ಕಡಿಮೆ, ರೇಂಜ್​ ಜಾಸ್ತಿ

Ampere Magnus Neo Launched: ಆಂಪಿಯರ್ ಮ್ಯಾಗ್ನಸ್ ನಿಯೋ ಎಲೆಕ್ಟ್ರಿಕ್ ಸ್ಕೂಟರ್ ದೇಶಿಯ ಮಾರುಕಟ್ಟೆಗೆ ಲಗ್ಗೆಯಿಟ್ಟಿದೆ. ಇದರ ಬೆಲೆ ಮತ್ತು ವೈಶಿಷ್ಟ್ಯಗಳ ವಿವರ ಇಲ್ಲಿದೆ ನೋಡಿ.

Ampere Magnus Neo Launched:ಎಲೆಕ್ಟ್ರಿಕ್ ದ್ವಿಚಕ್ರ ವಾಹನ ತಯಾರಕ ಆಂಪಿಯರ್ ತನ್ನ ಹೊಸ ಎಲೆಕ್ಟ್ರಿಕ್ ಸ್ಕೂಟರ್ 'ಆಂಪಿಯರ್ ಮ್ಯಾಗ್ನಸ್ ನಿಯೋ' ಅನ್ನು ದೇಶಿಯ ಮಾರುಕಟ್ಟೆಗೆ ಪರಿಚಯಿಸಿದೆ. ಕಂಪನಿಯು ಎಲೆಕ್ಟ್ರಿಕ್ ಸ್ಕೂಟರ್ ಅನ್ನು ರೂ.79,999 (ಎಕ್ಸ್ ಶೋ ರೂಂ) ಬೆಲೆಗೆ ತಂದಿದೆ. ಕಂಪನಿಯು ಆಂಪಿಯರ್ ಲೈನ್​ ಅಪ್​ನಲ್ಲಿ EX ವೇರಿಯಂಟ್​ ಸ್ಥಾನದಲ್ಲಿ ಈ ಹೊಸ ಮ್ಯಾಗ್ನಸ್ ನಿಯೋ ಪರಿಚಯಿಸಿರುವುದು ತೋರುತ್ತದೆ.

ಆಂಪಿಯರ್ ಮ್ಯಾಗ್ನಸ್ ನಿಯೋ ಡಿಸೈನ್​ ಆ್ಯಂಡ್​ ಸ್ಪೆಸಿಫಿಕೇಶನ್​:ಈ ಸ್ಕೂಟರ್​ ಡಿಸೈನ್​ಗೆ ಬಂದ್ರೆ ಈ ಹೊಸ ಮ್ಯಾಗ್ನಸ್ ನಿಯೋ ಅದರ ಇತರ ವೇರಿಯಂಟ್​ಗಳಂತೆಯೇ ಕಾಣುತ್ತದೆ. ಆದರೆ, ಕಲರ್​ ವಿಷಯಕ್ಕೆ ಬಂದರೆ ಮಾತ್ರ ವಿಭಿನ್ನವಾಗಿದೆ. ಇದು ಡ್ಯುಯಲ್ - ಟೋನ್ ಪೇಂಟ್ ಸ್ಕೀಮ್‌ನೊಂದಿಗೆ ಲಭ್ಯವಿದೆ. ಈ ಸ್ಕೂಟರ್ 2.3kWh LFP ಬ್ಯಾಟರಿ ಹೊಂದಿದೆ. ಒಂದು ಬಾರಿ ಚಾರ್ಜ್ ಮಾಡಿದರೆ 70-80 ಕಿ.ಮೀ ವರೆಗೆ ಪ್ರಯಾಣಿಸಬಹುದು ಎಂದು ಕಂಪನಿ ಹೇಳಿಕೊಂಡಿದೆ.

ಈ ಹೊಸ ಮ್ಯಾಗ್ನಸ್ ನಿಯೋ LFP ಬ್ಯಾಟರಿಗಳನ್ನು ಹೊಂದಿದೆ (ಇವು ಒಂದೇ ಕೆಪಾಸಿಟಿಯ NMC ಬ್ಯಾಟರಿಗಳ ಮಾಡೆಲ್​ಗಳಂತೆ ಎನರ್ಜಿ-ಡೆನ್ಸಿಟಿ ಇರುವುದಿಲ್ಲ). ಅದರ ವ್ಯಾಪ್ತಿಯು ಮ್ಯಾಗ್ನಸ್ EX ಗಿಂತ ಸ್ವಲ್ಪ ಕಡಿಮೆಯಾಗಿದೆ. ಮ್ಯಾಗ್ನಸ್ ಇಎಕ್ಸ್ ರೇಂಜ್​ 80 -100 ಕಿಲೋಮೀಟರ್ ಎಂದು ಕಂಪನಿಯು ಹೇಳಿದೆ.

65 ಕಿಮೀ ಟಾಪ್ ಸ್ಪೀಡ್:ಆಂಪಿಯರ್ ಮ್ಯಾಗ್ನಸ್ ನಿಯೋ ಗರಿಷ್ಠ ವೇಗ ಗಂಟೆಗೆ 65 ಕಿಮೀ ಆಗಿದೆ. ಮ್ಯಾಗ್ನಸ್‌ನ ಯಾವುದೇ ರೂಪಾಂತರವು ಅಂತಹ ಹೆಚ್ಚಿನ ವೇಗವನ್ನು ನೀಡುವುದಿಲ್ಲ. ಇನ್ನೊಂದು ವಿಶೇಷ ಎಂದರೆ ಮ್ಯಾಗ್ನಸ್ ನಿಯೋ ಎರಡು ಬದಿಗಳಲ್ಲಿ 12 ಇಂಚಿನ ವೀಲ್​ಗಳನ್ನು ಹೊಂದಿದೆ. ಇತರ ರೂಪಾಂತರಗಳು 10 - ಇಂಚಿನ ವೀಲ್​ಗಳು ಮಾತ್ರ ಲಭ್ಯವಿದೆ. ಈ ಸ್ಕೂಟರ್ ಮಾರುಕಟ್ಟೆಯಲ್ಲಿ ಬ್ಲ್ಯಾಕ್​, ಬ್ಲೂ, ರೆಡ್​, ವೈಟ್​ ಮತ್ತು ಗ್ರೇ ಎಂಬ ಐದು ಬಣ್ಣದ ಆಯ್ಕೆಗಳಲ್ಲಿ

ಇತರ ವೈಶಿಷ್ಟ್ಯಗಳು: ಆಂಪಿಯರ್ ಮ್ಯಾಗ್ನಸ್ ನಿಯೋ ಇತರ ರೂಪಾಂತರಗಳಂತೆಯೇ ಹಲವು ವೈಶಿಷ್ಟ್ಯಗಳನ್ನು ಹೊಂದಿದೆ. ಇದು ಸಣ್ಣ ಡಿಜಿಟಲ್ ಡ್ಯಾಶ್ ಹೊಂದಿರುವ ಸರಳ ಎಲೆಕ್ಟ್ರಿಕ್ ಸ್ಕೂಟರ್ ಆಗಿದೆ. ಈ ಹೊಸ ಮ್ಯಾಗ್ನಸ್ ನಿಯೋ 5 ವರ್ಷಗಳು/75,000 ಕಿಮೀ ಬ್ಯಾಟರಿ ವಾರಂಟಿಯೊಂದಿಗೆ ಬರುತ್ತದೆ. ಈ ಸ್ಕೂಟರ್ ಸಂಪೂರ್ಣವಾಗಿ ಚಾರ್ಜ್ ಮಾಡಲು 5-6 ಗಂಟೆಗಳನ್ನು ತೆಗೆದುಕೊಳ್ಳುತ್ತದೆ. ಕಂಪನಿಯು ಇದರ ಬೆಲೆ ರೂ. 79,999 ನಿರ್ಣಯಿಸಿದೆ. ಈ ಬೆಲೆಯಲ್ಲಿ ಮ್ಯಾಗ್ನಸ್ ನಿಯೋ ಇದೀಗ ಮಾರಾಟದಲ್ಲಿರುವ ಅತ್ಯಂತ ಒಳ್ಳೆ ಎಲೆಕ್ಟ್ರಿಕ್ ಸ್ಕೂಟರ್‌ಗಳಲ್ಲಿ ಒಂದಾಗಿದೆ.

ಓದಿ:ಭಾರತಕ್ಕೆ ಬರ್ತಿದೆ ಎಂಜಿ ಮೋಟಾರ್​ ಇಂಡಿಯಾದ ಲಕ್ಷುರಿ ಇವಿ ಕಾರು!